Kampania

Kampania esas regiono an la sudo di Italia. Segun demografiala statistiki de oktobro 2023, ol havis 5 588 664 habitanti.^[1] Ol esas la triesma maxim populoza e havas la 2ma maxim granda denseso di habitantaro di la lando, dop Lombardia. Lua chef-urbo esas Napoli.

Campania

Regiono di Italia

Litoro en Amalfi.

Chefurbo	Napoli
Maxim granda urbo	Napoli


Oficala linguo	Italiana
Surfaco	13 590 km²

Habitanti Denseso di habitantaro	5 588 664^[1] (2023) 408,8 hab./km²
Guberniestro	Vincenzo De Luca (PD)



Horala zono	UTC+1 (UTC+2 dum somero)


TNP (yaro)	102 702,3 milion € (2020)
Reto	https://www.regione.campania.it/

Bazala fakti pri Kampania.

Historio

Paestum, Greka urbo konstruktita apud Tireno.

La regiono di Kampania koloniigesis dal Greki, qui fondis urbo Napoli kun la nomo Neapolis. Tota Kampania e la vicina Puglia, Basilikata, Kalabria e Sicilia konocesis kom Magna Græcia kande li enkorpigesis a Romana Republiko dum la 4ma yarcento aK.

Ye la 5ma di junio 1224, l'universitato di Napoli fondesis. En 1282 fondesis la rejio Napoli, an la sudo di la peninsulo Italiana. Militi en la regiono duris til 1302, kande signatesis tale-nomizita "paco di Caltabellotta", kande lora papo Bonifacius la 8ma agnoskis Federico la 3ma kom rejulo di Sicilia, e Charles la 2ma kom rejulo di Napoli. Malgre la separo, Napoli duris prosperar, ed atraktis komercisti de Pisa e Genova, bankisti de Toskania e multa importanta artisti de ta epoko, exemple Giovanni Boccaccio, Francesco Petrarca e Giotto.

Pos ke Afonso la 1ma de Aragon vinkis René la 1ma, la lasta rejulo di Napoli, il itere unigis Napoli e Sicilia. L'uniono duris til 1458, kande la du teritorii itere separesis. Rejio Napoli duris til 1816, kande ol itere unionesis al rejio Sicilia, lor por formacar la Rejio di du Sicilii. Ta rejio duris til 1861, kande ilu anexesis al Rejio Italia.

Dum la duesma mondomilito, urbo Salerno divenis bataliagro di tale nomizita "operaco Avalancho", dum l'nvado di Italia dal Federiti, e subisis granda domaji. De la 12ma di februaro til la 17ma di julio 1944, ol gastigis la guvernerio di marshalo Pietro Badoglio. Dum ca monati, ol esis tempale la chef-urbo di rejio Italia, e Vittorio Emanuele la 3ma rezidis en lua suburbi.

Geografio

Litoro dil insulo Kapri.

La regiono havas 500 km di litoro, ed esas famoza pro lua gulfi (Napoli, Salerno e Policastro), e pro lua insuli Kapri, Ischia e Procida.

Kolini reprezentas 50,8% de la teritorio di Kampania, monti reprezentas 34,6% e plana regioni reprezentas 14,7%. Monto Vesuvio, alta de 1281 metri jacas en Kampania. Atra tri volkani existas en lua teritorio:Campi Flegrei (anciena supervolkano, qua eruptis lastafoye en 1538), Epomeo (lasta erupto en 1302), e Roccamonfina (ankore aktiva). Regioni doplanda kovresas per monti qui rare superiras 2.000 metri di altitudo. La maxim alta monto di Kampania esas Milettol, kun 2050 metri di altitudo.

Lua maxim longa fluvio esas Volturno, qua naskas en Molise ed esas longa de 175 km, esanta anke la maxim longa de sudal Italia. Existas anke diversa lagi en la regiono, exemple Falciano, Lago del Matese, Lago d'Averno (de origino volkanala), Lago di Patria e Lago Lucrino.

Ekonomio

L'industrio por transformar la produkturi de agrokultivo esas la precipua ekonomial agado de la regiono.

Referi

↑ ^1,0 ^1,1 Bilancio demografico mensile popolazione residente per sesso, anno 2023 - Publikigita da ISTAT. URL vidita ye 3ma di januaro 2024. Idiomo: Italiana.

	Regioni di Italia
Abruzzo \| Apulia \| Basilikata \| Emilia-Romagna \| Friuli-Venezia Giulia \| Kalabria \| Kampania \| Lazio \| Liguria \| Lombardia \| Marche \| Molise \| Piemont \| Sardinia \| Sicilia \| Toskania \| Trentino-Supr Adijo/Suda Tirol \| Umbria \| Valo d'Aosta \| Veneto

[POP-1] 1,0 ^1,1 Bilancio demografico mensile popolazione residente per sesso, anno 2023 - Publikigita da ISTAT. URL vidita ye 3ma di januaro 2024. Idiomo: Italiana.

[1]