Kanabo

Kanabo esas genero di florala planto qua inkluzas uno o multa speci. La planto esas supozita origine di montala regioni apud India.

Util elementi

• Semino. La kanabo-semino esas manjebla e nutroz e salubra por homo ed animalo. Ne-procedit ol uzesas kom nutrivo por uceli. Peskeri uzas la semino kom lurilo. De la semino kanaboleo povas esar presata.
• Fibri. La fibri di la basto esas extreme fort e longa e facile liberigebla de la planto, tam longe ke oli ne esas parsikeskinta De la fibri depos mult epoki kordifesis ed anke stofi texesas de la fibri.
• Lignatra parti. La kanabo konsistas cirkume 60% de lignatra parti. Oli povas esar uzata kom palio por roderi e kavali. Oli anke havas alta kombusto-valoro ed esas poke cindrifanta, pro to oli esas bon alternativo por lenio. Pluse, la lignatra parti di kanabo esas uzata por konstruktar kun kanabo e kalko (konocat en l'Angla:plu bone konocata kom lime-hemp concrete o hempcrete, en la Franca: betón de chanvre).

Nutrivo

En la koquarto kanaboleo esas uzata por preparar kolda dishi. Ol ne esas tre apta por uzo sur granda fairo. Oleo de kanabo-semino kontenas 20% alfa-linolenacido* e 68% linolenacido*. Ti esas esencala grasacidi (grasacidi qui esas necesa pro ke la korpo ne povas produktar ol). Ultre to, oli havas bon efekto ye la kolesterol*konteno. Da kelki kanabo-semino esas konsiderata, sensheligit o ne, kom 'supernutrivo' e manjata pro la bona grasacido*-equilibro e l'alt-qualesa proteino.

Drogi

La folii de certa speci furnisas klamigiva drogo.