Iquique
| Iquique | ||
| ||
| Kelk imaji pri Iquique. | ||
|
| |
| Standardo | Blazono | |
| Lando: |  Chili
| |
| Regiono: | Regiono Tarapacá | |
| Provinco: | Provinco Iquique | |
Informo:
| ||
| Latitudo: | 20°13'S | |
| Longitudo: | 70°09'W | |
| Altitudo: | 1.25[1] m | |
| Surfaco: | 2 242,1 km² | |
| Habitanti: | 191 468 (2017) | |
| Denseso di habitantaro: | 85,4 hab./km² | |
| Disto de Santiago: | 1786,8[2] km | |
| Horala zono: | UTC-4 (UTC-3 de septembro til aprilo) | |
| Urbestro: | Mauricio Soria | |
Mapo:
| ||
| ||
Oficala retosituo:
| ||
| www.municipioiquique.cl | ||
Iquique esas portuo e chef-urbo di provinco Iquique e regiono Tarapacá, norde de Chili. Segun la demografiala kontado di 2017, ol havis 191 468 habitanti. Lua tota surfaco esas 2 242,1 km². Ensemble vicina urbo Alto Hospício, ol formacas metropolala regiono qua havis 299 843 habitanti dum la sam yaro.
La zono habitesis da tale nomizita "kulturo Chinchorro", cirkume 5 mil yari ante nun. Ank existas evidentaji pri existo di plu anciena kulturo, peskeri e kolekteri qui habitis la zono cirkume 4 mil yari ante Kristo. Nun, la urbo gastigas importanta zono di libera komerco. Ol anke gastigas universitati, exemple universitato Arturo Prat (kreita en 1965 kom Universitato di Chili). Ol selektesis por esar la Chef-urbo di la Kulturo di Sud-Amerika en 2001.
Geografio
[redaktar | redaktar fonto].jpg)
Iquique distas cirkume 1787 kilometri norde de Santiago, e 310 kilometri sude de Arica. Importanta elementi di lua reliefo esas montaro nomizita Cordillera de la Costa, la planajo rivala, e rivala klifi. L'urbo jacas sur streta areo plana, cirkondata da klifi. Lua mezavalora altitudo esas 52 metri adsur la maro, e la reliefo en lua urbala zono varias de 0 metri an la litoro, til 125 metri. Lua litoro formacas bayo.
On povas klasifikar lua klimato kom arida kolda (BWk), arida modereme kolda (BWh) o miarida (BSk), segun la klimatala klasifikuro da Köppen-Geiger. Ol influesas da la fluo di Humboldt e da marala venti, qui portas nubi. La termala amplitudo esas basa dum autuno, vintro e komenco di printempo, ma ol augmentas multe dum somero, kande eventas la pluvoza sezono, e l'atmosferala humideso augmentas multe. La mezavalora diala temperaturo en julio ed agosto (vintro) esas 15,6°C, kontre ke la mezavalora diala temperaturo en februaro (somero) esas 22,2°C.
La mezavalora yarala pluvo-quanto esas basa: 0,8 mm, segun mezuradi facita de 1991 til 2020.