Jacques Bol

Jacques Bol
Profesiono:	Injenioro
Lando:	Belgia
Naskodato:	29 di aprilo 1922
Nasko-loko:	Berzee, Belgia
Mortodato:	3 di mayo 2009
Morto-loko:	Wavre

Jacques Bol (29 di aprilo 1922 - 3 di mayo 2009) esis belga idisto qua naskis en Berzee sude di Charleroi en Belgia.

Pos aquiro di edukeso ye plu alta faki (domeno Latina-Greka) che la Jezuiti, lu aquiris diplomo di injenioro teknikala che Université du Travail, en Charleroi. Pos servo kom soldato en Germania lu laboris por la ministerio agronomiala (seciono agronomiala pri hidrauliko) ube lu employesis til la fino di sua profesionala vivo, kande il evis 65 yari.

Bol esis linguo-amanto - ultre la Franca e la Germana lu anke savis la Araba, Chiniana e Hebrea. Kun Andreas Juste lu raliis grupo di yuna homi, qui konsakris su a projetlingui: unesme ad Esperanto, pose ad Ido. La agado da Bol por Ido duris til lua morto ye la 3 di mayo 2009 en Wavre.

La heredajo di Jacques Bol dokumentizas tre bone importanta periodo di la movemento mondolinguala dum la 20-ma yarcento.

12 buxi kun korespondaji e revui ed anke la privata Ido-biblioteko di Bol trovesas nun en Muzeo por la projetolingui (Germane: Museum für Plansprachen) in Wien, Austria.

Jacques Bol esis redaktero di la idala revuo Progreso inter 1987 e 2000.