AMORC
Anciena Mistika Ordeno Rosæ Crucis (AMORC) esas mondal organizuro Rosikrutala, edukala, humanala e fratala fondita da Harvey Spencer Lewis en 1915. Membresko esas posibla por irgu 18 yari o plus. La organizo ne promulgas nek despromulgas religio, e su ipsa ne esas religiala movemento.
La nomo AMORC esas abreviuro por la Latina titulo Antiquus Mysticusque Ordo Rosæ Crucis. La tradicionala e vera nomo en la Latina esas Antiquus Arcanus Ordo Rosæ Rubæa et Auræa Crucis (AAORRAC), en Ido esas L'Anciena ed Arkana Ordeno dil Reda Rozo e l'Ora Kruco.
Linguo Ido
[redaktar | redaktar fonto]En 1918 AMORC rekomendis en olua monatala revuo Cromaat la linguo Ido kom arkana linguo dil organizuro. La motivo esis olua internacioneso, olua sat facila komprenebleso por parolanti di altra lingui e samatempe olua ne-tota komprenebleso da ne-intimi se parolata rapide o deslauta-voce.[1]