Fauvismo
Fauvismo esas artala stilo developita da grupo di moderna artisti surnomizita les Fauves ("la sovaja bestii") dum la komenco di la 20ma yarcento. Li emfazis forta kolori en pikturi, vice realista reprezenturo de klasika pikturi o di impresionismo. Fauvismo kom stilo propre aparis cirkume 1900 e duris pos 1910. Tamen, ca artala movado duris dum poka yari, de 1904 til 1908, e facis tri expozuri.[1][2] La precipua piktisti di ta movado esis Henri Matisse ed André Derain.[1]
Ultre Derain e Matisse, altra Fauve-artisti esis Albert Marquet, Charles Camoin, Louis Valtat, Belga piktisti Henri Evenepoel, Maurice Marinot, Jean Puy, Maurice de Vlaminck, Henri Manguin, Raoul Dufy, Othon Friesz, Georges Rouault, Jean Metzinger, Nederlandana piktisto Kees van Dongen, e Georges Braque (la lasta pose esis kompano di Pablo Picasso en Kubismo).[1]
Referi
[redaktar | redaktar fonto]- ↑ 1,0 1,1 1,2 The Wild Beasts: Fauvism and Its Affinities'. Publikigita da Museum of Modern Art (MoMA). Loko di publikigo: New York. Dato di publikigo: 1976.
- ↑ Freeman, Judi, et al., The Fauve Landscape, 1990, Abbeville Press, p. 13, ISBN 1-55859-025-0.