Kunlaboro por Developo

Kunlaboro por developo esas la kunlaboro inter landi por helpar developar l'ekonomio di povra landi. En 1968 decidesis dum Konfero di Unionita Nacioni pri Komerco e Developo ke developita landi spensez 0,7% de la TNP a kunlaboro por developo. Tamen, en 1995 la financala helpo da la richa landi esis nur 0,27%.

Kunlaboro por developo esas aktiva ye diversa tereni, tale quale edukeso, saneso, ekonomiala developo, agrokultivado ed infra-strukturo. Ultre konkreta temi kunlaboro vizas aferi quale la plufortigo di kapaceso e plugrandigo di partopreno da grupi neglektita.

De origino on parolis pri 'helpo pri developo', ma dum la yari sepadek di la 20ma yarcento la termino 'kunlaboro por developo' uzesas. Tale expresesas ke helpanta landi e helpata landi ed organizuri esas konsiderata sam-valoranta parteneri.