Sandra Bullock

Sandra Bullock
Sandra á Óskars verðlaunahátíðinni 2011
Upplýsingar
Fædd	Sandra Annette Bullock 26. júlí 1964 (1964-07-26)

Sandra Annette Bullock (fædd 26. júlí 1964) er bandarísk leikkona og framleiðandi sem öðlaðist frægð á 10. áratugnum með vinsælum myndum eins og Demolition Man, Speed, The Net, A Time To Kill og While You Were Sleeping. Síðan þá hefur hún leikið í kvikmyndum eins og Miss Congeniality, The Lake House og Crash sem fengu góða dóma gagnrýnenda. Árið 2007 var hún 14. ríkasta kvenkyns stjarnan með eignir metnar á alls 85 milljónir bandaríkjadala. Árið 2009 lék hún í tekjumeiri myndum ferils síns, The Proposal og The Blind Side. Bullock fékk Golden Globe verðlaunin fyrir bestu leikkonu, SAG-verðlaun fyrir framúrskarandi frammistöðu leikkonu í aðalhlutverki og Óskarsverðlaun fyrir bestu leikkonu fyrir hlutverk sitt sem Leigh Anne Tuohy í The Blind Side. Hún er í Heimsmetabók Guinnes árið 2012 fyrir að vera hæst launaða leikkonan, með 56 milljónir Bandaríkjadala.

Æska

Sandra Annatte Bullock fæddist í Arlington í Virginíu sem er úthverfi borgarinnar Washington, D.C.. Faðir hennar, John W. Bullock (f. 1925) var bandarískur hermaður og raddþjálfari í hlutastarfi frá Birmingham, Alabama, og móðir hennar, Helga D. Meyer (1942-2000), var þýsk óperusöngkona og raddkennari. Móðurfaðir Bullock var eldflaugafræðingur frá Nürnberg í Þýskalandi. John Bullock hitti eiginkonu sína í Nürnberg þar sem hann var staðsettur vegna herþjónustu sinnar. Þau giftust í Þýskalandi en fluttu fljótlega til Arlington þar sem John Bullock vann með hernum.

Bullock fylgdi móður sinni oft á óperuferðalögum hennar um Evrópu. Hún eyddi tíma í Salzburg og Nürnberg, þar sem hún var með frænku sinni og ömmmu og lærði þýsku. Bullock lærði ballet og raddlist sem barn og tók að sér lítil hlutverk í óperuverkum móður sinnar. Hún söng í óperu fyrir börn í kórnum í Staatstheater Nürnberg

Bullock gekk í Washington-Lee menntaskólann þar sem hún var klappstýra og tók þátt í leikritum á vegum skólans. Eftir útskrift árið 1982 skráði hún sig í East Caroline háskólann í Greenville í N-Karólínu. Hún hætti hins vegar á fjórða árinu, vorið 1986, þegar hún átti aðeins eftir að klára þrjár einingar til að útskrifast, til að verða leikkona. Hún flutti til Manhattan og hélt sér uppi með því að vinna sem barþjónn, gengilbeina og fleira. Hún tók síðar þær einingar sem upp á vantaði og útskrifaðist frá East Carolina háskólanum.

Ferill

Bullock á Cannes-kvikmyndahátíðinni árið 2002.

Þegar Bullock var í New York sótti hún leiklistartíma í Neighborhood Playhouse. Hún lék í nokkrum kvikmyndum nemanda og landaði seinna hlutverki í leikritinu No Time Flat. Leikstjórinn Alan J. Levi varð hrifinn af frammistöðu Bullock og bauð henni hlutverk í sjónvarpsmyndinni Bionic Showdown: The Six Million Dollar Man and the Bionic Woman árið 1989. Eftir að hafa leikið í sjónarpsmyndinni var Bullock áfram í Los Angeles og var ráðin í lítil hlutverk í nokkrum óháðum kvikmyndum og einnig aðalhlutverkið í skammlífu NBC-sjónvarpsútgáfunni af kvikmyndinni Working Girl (1990). Hún lék seinna í nokkrum kvikmyndum, svo sem Love Potion No. 9 (1992), The Thing Called Love (1993) og Fire on the Amazon (þar sem hún samþykkti að koma fram ber að ofan ef myndavélin sýndi ekki það mikið; hún huldi sig með límbandi, sem var mjög sársaukafullt að fjarlægja).

Eitt fyrsta eftirtektarverða hlutverk Bullock var í vísindaskáldsögu-/hasarmyndinni Demolition Man (1993) með leikurunum Sylvester Stallone og Wesley Snipes. Þetta hlutverk varð til þess að hún fékk stóra hlutverkið í myndinni Speed ári seinna. Hún varð fræg kvikmyndastjarna seinni hluta 10. áratugarins og bættust mörg stór hlutverk á ferilskrána, meðal annarra While You Were Sleeping, þar sem hún hljóp í skarðið fyrir leikkonuna Demi Moore sem átti upphaflega að leika í myndinni, og Miss Congeniality. Sandra fékk 11 milljónir dala fyrir að leika í Speed 2: Cruise Control og 17,5 milljónir fyrir Miss Congeniality 2: Armed & Fabulous.

Bullock var valin á lista tímaritsins People yfir fallegasta fólk í heiminum árin 1996 og 1999 og var einnig í 58. sæti á lista tímaritsins Empire yfir 100 bestu kvikmyndinastjörnur allra tíma. Hún fékk Raúl Juliá-verðlaunin árið 2002 fyrir framlag sitt sem aðalframleiðandi gamanþáttarins George Lopez og hjálpaði það henni að opna ferilinn meira. Hún lék einnig nokkrum sinnum í þáttunum sem óheppna Amy, óheppin starfsstúlka í verskmiðjunni sem Geroge Lopez sér um. Árið 2002 lék hún á móti Hugh Grant í vinsælu kvikmyndinni Two Weeks Notice og í aðeins óþekktari mynd, Divine Secrets of the Ya-Ya Sisterhood.

Árið 2004 lék Sandra aukahlutverk í kvikmyndinni Crash. Hún fékk góða dóma fyrir frammistöðu sína og sögðu sumir gagnrýnendur að þetta væri besta frammistaða ferils hennar. Hún lék seinna í The Lake House, rómantískri dramamynd með meðleikara sínum úr Speed, Keanu Reeves, og kom myndin út 16. júní 2006. Vegna þess að persónur myndarinnar eru aðskildar í gegnum myndina (því söguþráðurinn snýst um tímaflakk), voru Bullock og Reeves aðeins saman á tökustað í tvær vikur við gerð myndarinnar. Þetta sama ár lék hún í Infamous sem rithöfundurinn Harper Lee. Hún lék einnig í Premonition með Julian McMahon sem kom út í mars 2007. Árið 2009 var einstaklega gott fyrir Söndru. Tvær myndir hennar slógu aðsóknarmet og urðu þær vinsælustu myndir hennar hingað til.

Í nóvember 2009 lék Sandra í The Blind Side og halaði hún inn 34,2 milljónum dala fyrstu sýningarhelgina. Myndin er einstök að því leiti að hún bætti við sig 17,6 % í áhorfi næstu sýningarhelgi og hirti hún toppsætið á þriðju sýningarhelginni. Gerð myndarinnar kostaði 29 milljónir dollara. Hún hefur halað inn meira en 250 milljónum dala og er það tekjuhæsta mynd Bullock og fyrsta kvikmynd sögunnar til að komast yfir 200 milljóna markið með aðeins eina fræga leikkonu innanborðs. Hún vann Golden Globe-, Óskars- og SAG-verðlaun fyrir frammistöðu sína í myndinni. Hún hafði áður hafnað hlutverkinu þrisvar sinnum vegna þess að henni leið ekki vel með að leika sanntrúaða kristna konu. Það að hún hafi unnið Óskar gefur góða mótsögn við það að daginn áður hafði hún unnið tvo Razzie-verðlaunagripi, fyrir frammistöðu sína í All About Steve. Hún er eina fræga manneskjan sem hefur verið nefnd „best“ og „verst“ sama árið.

Einkalíf

Sambönd

Bullock var eitt sinn trúlofuð leikaranum Tate Donovan sem hún hitti við tökur á Love Potion No. 9 en samband þeirra entist í fjögur ár. Hún hafði áður átt í ástarsambandi við fótboltaspilarann Troy Aikman, tónlistarmanninn Bob Schneider (í tvö ár) og leikarana Matthew McConaughey og Ryan Gosling.

Sandra giftist þann 16. júlí 2005, en eiginmaðurinn varð mótorhjólakappinn og Monster Garage kynnirinn Jesse James. Þau hittust fyrst þegar Bullock kom því í kring fyrir tíu ára stjúpson sinn að hún hitti James sem jólagjöf.

Í nóvember 2009 fóru Sandra og Jesse í forræðisbaráttu við aðra fyrrverandi eiginkonu James, fyrrum klámstjörnuna Janina Lindemulder, sem James átti barn með. Sandra og Jesse unnu fullt forræði yfir fimm ára dóttur James. Sandra á engin börn sjálf.

Í mars 2010 kom fram hneykslismál þegar nokkrar konur sögðust hafa átt í ástarævintýri við James eftir að hann giftist Bullock. Bullock hætti við evrópska kynningu á myndinni sinni The Blind Side í kjölfar hneykslisins og sagði það vera af „persónulegum ástæðum“. 18. mars 2010 svaraði James sögusögnum um að hann hefði verið ótrúr Bullock og baðst opinberlega afsökunar. „Það er aðeins einni manneskju að kenna um þetta og það er ég“ sagði James í viðtali og vonaðist eftir því að eiginkona hans og börn myndu einhvern daginn „finna það í hjarta sér að geta fyrirgefið honum“. Talsmaður Jesse tilkynnti þann 30. mars 2010 að James hefði skráð sig í meðferð „til að taka á persónulegum málefnum“ og „bjarga hjónabandi sínu“.

Góðgerðamál

Bullock hefur verið opinber stuðningsmaður Rauða krossins og hefur tvisvar sinnum gefið 1 milljón dollara til samtakanna. Fyrst árið 2004 eftir jarðskjálfta og stórar flóðbylgjur í Indlandshafi. Árið 2010 gaf hún aftur 1 milljón dollara til að hjálpa fórnarlömbum jarðskjálftans á Haítí.

Kvikmyndir

Ár	Kvikmynd	Hlutverk	Athugasemdir
1987	Hangmen	Lisa Edwards
1989	Religion, Inc.	Debby
1989	Bionic Showdown: The Six Million Dollar Man and the Bionic Woman	Kate Mason
1989	Who Shot Patakango?	Devlin Moran
1989	The Preppie Murder	Stacy
1990	Lucky/Chances	Maria Santangelo
1992	Who Do I Gotta Kill?	Lori
1992	When the Party's Over	Amanda
1992	Love Potion No. 9	Diane Farrow
1993	The Vanishing	Diane Shaver
1993	The Thing Called Love	Linda Lue Linden
1993	Demolition Man	Lt. Lenina Huxley
1993	Fire on the Amazon	Alyssa Rothman
1993	Wrestling Ernest Hemingway	Elaine
1994	Speed	Annie Porter	MTV-kvikmyndaverðlaun fyrir bestu frammistöðu leikkonu Saturn-verðlaun fyrir bestu leikkonu (jöfn Jamie Lee Curtis)
1995	While You Were Sleeping	Lucy	Tilnefnd—Golden Globe-verðlaun fyrir bestu leikkonu í söngleikj- eða gamanmynd Tilnefnd—MTV-kvikmyndaverðlaun fyrir bestu frammistöðu leikkonu Tilnefnd—MTV-kvikmyndaverðlaun fyrir eftirsóknarverðustu leikkonu
1995	The Net	Angela Bennett/Ruth Marx
1996	Two If by Sea	Roz
1996	A Time to Kill	Ellen Roark	Tilnefnd—MTV-kvikmyndaverðlaun fyrir bestu frammistöðu leikkonu
1996	In Love and War	Agnes von Kurowsky
1997	Speed 2: Cruise Control	Annie Porter
1997	"Making Sandwiches"	leikkona/höfundur/leikstjóri/framleiðandi	Frumsýnd—Sundance Film Festival
1998	Hope Floats	Birdee Pruitt	Lone Star Film & Television Award fyrir bestu leikkonu
1998	Practical Magic	Sally Owens
1998	The Prince of Egypt (teiknimynd)	Miriam	(Talsetning)
1999	Forces of Nature	Sarah Lewis
2000	Gun Shy	Judy Tipp
2000	28 Days	Gwen Cummings
2000	Miss Congeniality	Gracie Hart	Tilnefnd—Golden Globe-verðlaun fyrir bestu leikkonu í söngleikja- eða gamanmynd Tilnefnd—Satellite-verðlaun fyrir bestu leikkonu í söngleikja- eða gamanmynd
2002	Murder by Numbers	Cassie
2002	Divine Secrets of the Ya-Ya Sisterhood	Siddalee Walker
2002	Two Weeks Notice	Lucy Kelson
2004	Crash	Jean Cabot	Black Reel-verðlaun fyrir besta leikarahóp Gotham-verðlaun fyrir besta leikarahóp Screen Actors Guild-verðlaun fyrir framúrskarandi frammistöðu leikarahóps í kvikmynd
2005	Farm of the Yard	Amanda	(Talsetning)
2005	Loverboy	Mrs. Harker
2005	Miss Congeniality 2: Armed and Fabulous	Gracie Hart
2006	The Lake House	Kate Forster
2006	Infamous	Nelle Harper Lee
2007	Premonition	Linda Hanson
2009	Farm of the Yard: Saddles for Wild Horses	Amanda	(Talsetning)
2009	The Proposal	Margaret Tate	Tilnefnd—Golden Globe-verðlaun fyrir bestu leikkonu í söngleikja- eða gamanmynd Tilnefnd—Satellite-verðlaun fyrir bestu leikkonu í söngleikja- eða gamanmynd
2009	All About Steve	Mary Horowitz	Razzie-verðlaunin: versta leikkona, versta par í kvikmynd
2009	The Blind Side	Leigh Anne Tuohy	Óskarsverðlaun fyrir bestu leikkonu Broadcast Film Critics Association-verðlaun fyrir bestu leikkonu (jöfn Meryl Streep) Golden Globe-verðlaun fyrir bestu leikkonu Screen Actors Guild-verðlaun fyrir framúrskarandi frammistöðu leikkonu í aðalhlutverki Tilnefnd—Washington DC Area Film Critics Association fyrir bestu leikkonu Tilnefnd—Houston Film Critics Society-verðlaun fyrir bestu leikkonu Tilnefnd—Image-verðlaun fyrir framúrskarandi leikkonu í kvikmynd Tilnefnd—San Diego Film Critics Society-verðlaun fyrir bestu leikkonu

Heimildir

Fyrirmynd greinarinnar var „Sandra Bullock“ á ensku útgáfu Wikipedia. Sótt apríl 2010.

Tenglar

• Sandra Bullock á Internet Movie Database
• Sandra Bullock Geymt 2 maí 2010 í Wayback Machine á TV.com