Skákbox
Skákbox er einstaklingsíþrótt sem sameinar skák og hnefaleika (box).
Íþróttin var búin til af hollenska listamanninum Iepe Rubingh og kom fyrst fyrir almenningsjónir í september 2003 á listasýningu í Berlín.
Hver leikur er 11 lotur, 6 þeirra eru skák og 5 þeirra hnefaleikar. Hver skáklota tekur 4 mínútur, hver boxlota tekur 2 mínútur. Keppendur hafa 12 mínútur á skákklukkunni.
Sigur vinnst þegar eitt af eftirfarandi á við:
- andstæðingur er mát í skákinni
- andstæðingur hættir keppni í skák eða hnefaleikum
- andstæðingur er rotaður í hnefaleik
- dómari stöðvar leikinn í hnefaleik
- tími á skákklukku andstæðings rennur út
Ef skákinni lauk með jafntefli þá sigrar sá sem hlaut fleiri stig í hnefaleikalotunum. Ef enn er jafnt, þá er þeim sem lék svartan í skákinni dæmdur sigur.
Tenglar
[breyta | breyta frumkóða]- World Chess Boxing Organisation Geymt 3 nóvember 2005 í Wayback Machine
- Newsback Chessboxing Geymt 18 desember 2013 í Wayback Machine
Heimild
[breyta | breyta frumkóða]- „Wanna piece of this?“. Sótt 9. nóvember 2005.