Ban
Ban ya iku piranti kang nutupi velg kang ana ing rodha.[1] Ban kalebu bagéyan wigati saka wahana dahrat.[1] Ban gunané kanggo ngurangi getaran kang disebabaké dalan kang ora alus utawa akéh jeglongané.[1] Saliyané iku ban uga kena kanggo njaga rodha lan ndadékaké rodha ora gampang aus lan rusak.[1] Ban uga bisa njaga kestabilan anatarané kendaraan karo lemah saéngga gampang anggoné obah lan ningkataké percepatan.[1] Akéh-akéhé ban utamané kang digunakake kanggo kendaraan bermotor, digawé saka karet sintetik, ananging ana uga kang digawé saka bahan liyané kayata waja.[1]
Sajarah ban
Nalika taun 1839, Charles Goodyear bisa nemokaké téknik vulkanisasi karet. [2]Vulkanisasi iki asalé saka tembung Vulkan kang tegesé déwa api ing agama wong Romawi.[2] Ananging Goodyear ora jenengi penemuané iku kanthi jeneng vulkanisasi ananging karét kang tahan geni.[2] Jeneng Goddyear banjur diabadiaké dadi jeneng perusahaan karét kang misuwur ing Amérika Serikat yaiku Goodyear Tire and Rubber company.[2] Perusahaan iki dibangun karo Frank Seiberling nalika taun 1898.[2] Goodyear Tire & Rubber Company mulai dibangun taun 1898 nalika Frank Seiberling tuku pabrik kang sepisanan perusahaan iki. Dhéwéké nggunakaké dhuwit siléhan saka ipéné.[2]
Nalika taun 1845 Thomson lan Dunlop nciptakaké ban kang nalika semana diarani ban urip tegese ban kang nduweni rongga udara.[2] Kanthi penemuan iki Thomson lan Dunlop diarani Bapak Ban.[2] Kanthi ngrembakané téknologi Charles Kingston Welch nemokaké ban njero, dene William Erskine Bartlett nemokaké ban njaba.
Chatetan suku
| Artikel iki minangka artikel rintisan. Kowé bisa ngéwangi Wikipédia ngembangaké. |