Agnes Monica
| Agnes Monica | |
|---|---|
 Agnes Monica | |
| Latar wuri | |
| Jeneng lair | Agnes Monica Muljoto |
| Lair | Juli 1, 1986 Jakarta, Indonesia |
| Kabangsan | Indonesia |
| Jinis Musik | Pop, R&B, Dance, Pop rock, Soul, Hip hop |
| Pakaryan | Penyanyi, Artis, Penari, Presenter, Kang ngréka lagu, Prodhuser rekaman, Perancang busana |
| Instrumen | Vokal, Piano |
| Taun aktif | 1992 - saiki |
| Parusahan rekaman | Aquarius Musikindo |
| Situs resmi | [www.agnesmonicaofficial.com] |
Agnes Monica Muljoto (lair ing Jakarta, 1 Juli 1986; umur 38 taun) ya iku salah sawijining penyanyi lan artis wadon ing Indonésia.[1][2][3][4][5]
Dhèwèké anak ragil saka pasangan Jenny Siswono lan Ricky Suprapto.[1] Dhèwèké duwé mas siji, jenengé Steve Muljoto kang saiki dadi manajeré.[2] Agnes Monica lulusan SD Tarakanita Jakarta, banjur nerusaké sekolah ing SLTP Pelita Harapan. Agnes Monica banjur nerusaké sekolah wonten SLTA Pelita Harapan bar kui terus nerusaké kuliah wonten UPH, nanging kuliahe lagi lumaku rong taun, Agnes Monica wis di D.O amargi kerep dolanan bekel lan boten niyat kuliah.
Agnes Monica miwiti dadi artis nalika umur 6 taun. Dhèwèké dadi penyanyi cilik. Agnes Monica salah sawijing penyanyi cilik populèr taun 1990-an. Nalika dadi penyayi cilik, dhèwèké duwé telung album, ya iku Si Meong, Yess!, lan Bala-Bala. Sak liyané iku, dhèwèké uga dadi pambiwara ning acara tivi kanggo bocah-bocah. Agnes Monica uga njajal dadi ing seni peran. Sinetroné kang kapisan irah-irahané Pernikahan Dini (2001) kang ndadèkaké dhèwèké aktris paramuda paling larang nalika semana.
Taun 2003, Agnes Monica ngetokaké albumé kang kapisan, irah-irahané And the Story Goes, kang ndadèkaké dhèwèké artis populèr kaya nalika dhèwèké isih cilik. Banjur, albumé kang kapindho metu taun 2005, irah-irahané Whaddup A'...?!, dhèwèké ngajak Keith Martin, penyanyi asal Amérikah Sarékat kanggo nyanyi bareng. Agnes Monica uga dadi juru main ing drama Asia, The Hospital lan Romance in the White House ing Taiwan.
Cathetan sikil
[besut | besut sumber]- ↑ a b [Biografi Agnes Monica](dipuntingali 20 Juni 2011)
- ↑ a b [Biografi Agnes Monica] "Archive copy". Diarsip saka sing asli ing 2011-11-16. Dibukak ing 2011-06-20.
{{cite web}}: CS1 maint: archived copy as title (link)(dipuntingali 20 Juni 2011) - ↑ [Biografi Agnes Monica](dipuntingali 20 Juni 2011)
- ↑ [Agnes Monica](dipuntingali 20 Juni 2011)
- ↑ [Profil Agnes Monica](dipuntingali 20 Juni 2011)