Ilat

Ilat
Ilat manungsa
Pengenal
MeSH	D014059
TA98
TA2	2820
FMA	54640
Terminologi anatomi

Ilat iku kumpulan otot rangka ing pérangan dhasar tutuk kang bisa mbantu pancernaan panganan kanggo mamah lan ngulu. Ilat minangka indera pangecap kang duwé struktur tunas pangecap. Ilat uga mèlu mbantu kanggo wicara.

Struktur liya kang magepokan karo ilat kerep karan lingual, saka basa Latin lingua utawa glossal saka basa Yunani, γλωσσα.

Struktur

Sapérangan gedhé, ilat kasusun saka otot rangka kang nèmpèl ing balung hyoideus, balung rahang ngisor lan processus styloideus ing balung pilingan. Ana rong jinis otot ing ilat yakuwi otot ekstrinsik lan intrinsik.

Ilat duwé lumah kang kasar amarga anané tonjolan kang diarani papila. Ana telung jinis papila yaiku:

1. papila filiformis (fili=benang); awangun kaya benang alus;
2. papila sirkumvalata (sirkum=bumder); awangun bunder, kasusun kaya aksara V ing samburiné ilat;
3. papila fungiformis (fungi=jamur); awangun kaya jamur.

Ana siji jinis papila kang ora ana ing manungsa, yakuwi papila folliata kang ana ing ilat kéwan pangerat.

Tunas pangecap iku pérangan pangecap kang ana ing pinggir papila, dumadi saka rong sèl yaiku sèl penyokong lan sèl pangecap. Sèl pangecap duwé fungsi minangka reseptor, déné sèl penyokong duwé fungsi kanggo nopang.

Ilat putih

Titik-titik utawa pérangan putih ing ilat bisa dadi tandha-tandha sawatara kondhisi medhis:

• Efek samping saka antibiotik
• Candidiasis
• Debauch
• Dehidrasi
• Leukoplakia
• Keratosis faringis

Deleng uga

• Iler
• Tunas pangecap

Pranala njaba

• Definisi lidah dari Stedman's Online Medical Dictionary, edisi 27