Jogja TV
| Jogja TVPT. Yogyakarta Tugu Televisi | |
|---|---|
 | |
| Jaringan | Bali TV |
| Slogan | Tradisi Tiada Henti |
| Diluncuraké | 17 September 2004 |
| Sing duwé | Kelompok Media Bali Post |
| Kantor pusat | Yogyakarta, Indonésia |
| Saluran afiliasi | Acèh TV, Bali TV, Bandung TV, Semarang TV, Sriwijaya TV, Surabaya TV |
| Situs web | http://www.jogjatv.tv |
Jogja TV inggih punika salah satunggaling stasiun televisi swasta inggih kanthi giyaran gratis minangka televisi kanthi wujud jejaringan utawi televisi terestrial ingkang wonten ing kitha Yogyakarta, Indonésia. Jogja TV dipungadhahi déning PT Jogjakarta Tugu Televisi lan ugi minangka stasiun televisi ingkang sepisanan wonten ing Yogyakarta. Stasiun televisi punika inggih ugi minangka anggota jaringanipun Bali TV. Kantoripun Jogja TV inggih punika mapan wonten ing Jl. Wonosari Km. 9. Jogja TV dipunkepyakaken déning Sri Sultan Hamengkubuwono X ing tanggal 17 September 2004. Ing wiwitanipun madeg, Jogja TV inggih namung giyaran dangunipun 7 jam inggih punika saking tabuh 16.00-23.00 WIB kanthi kekiyatan pemancar 5 kilo watt. Déné program-program ingkang dipunsiaraken ing antawisipun inggih punika program pawartos lan informasi babagan Jogja, Pawartos Ngayogyakarta saha program budaya. Salajengipun nambah jam tayangipun dados 12 jam saking tabuh 12.00-24.00 WIB kanthi tambahan program ing wekdal siyang inggih punika Jogja Nyasar, Java Exotic lan dialog interaktif.[1] PT Yogyakarta Tugu Televisi ugi minangka stasiun TV ingkang gadhah tigang pilar utami inggih punika bab pendhidhikan, budaya, lan pariwisata saéngga dipunangkah saged paring informasi, hiburan, lan kontrol sosial dhateng masarakat Yogyakarta lan sak kiteripun. Visi lan Misi Jogja TV ing antawisipun inggih punika saged dados étalase kearifan lokal budaya nuswantara lan dados televisi ingkang saged ngaplikasikaken tèknologi tanpa nglirwakaken tradhisi adiluhung, saéngga saged nyurung lan ningkataken bab pendhidhikan, ékonomi, saha pariwisata Yogyakarta lan sakiteripun.
Sajarah
[besut | besut sumber]Jogja TV dipuntepangaken sepisanan wonten ing sasi Agustus 2004 ing Yogyakarta, Daerah Istimewa Yogyakarta. Dhéné laladan-laladan ing sakiteripun ingkang saged ugi ndhèrèk ningali stasiun jogja tv punika ing antawisipun inggih namung ing wewengkon Yogyakarta lan sakiteripun ingkang nyangkup laladan Sléman, Bantul/Parangtritis, Wonosari, Wates, Purworejo, Klaten, Magelang, Muntilan, Sala). Jogja TV anggènipun giyaran inggih ngginakaken kanal 48 UHF.[2]
Jaringan
[besut | besut sumber]Stasiun tivi lokal ingkang wonten ing satunggal jaringan kaliyan jaringan Jogja TV inggih punika:
Program adicara
[besut | besut sumber]Program-program unggulan ingkang dipunsiaraken wonten ing Jogja TV ing antawisipun inggih punika kados makaten:[3]
- Seputar Jogja
- Seputar Jogja Malam
- Seputar Bisnis
- Jurnal Sepekan
- Good Morning Jogja
- Pawartos Enjing
- Srawung
- Kethoprak
- Wayang
- Blusukan
- Adiluhung
- Kawruh
- Klinong-Klinong Campursari
- Rolasan Ceria
- Icip-icip
- Gladri Mode
- Rolasan Awan Kroncongan
- Langen Swara
- Nyasar di Rolasan
- Sportif (Seputar Ulah raga dan Otomotif)
- Jelajah Kampus
- Dunia Pendidikan
- Dialog Interaktif
- Dhokter Kita
- Lejel Home Shopping
Jogja TV inggih minangka stasiun TV pelopor TV lokal swasta ing Yogyakarta. Wiwit sasi Pebruari 2012, Siaran Jogja TV inggih ugi saged dipuntampi ing sadaya wewengkon ing Indonésia lan ing njawi rangkah nagari Indonésia mawi anténa parabola.[4] Déné nama satelitipun inggih punika: Nama Satelit: Telkom 1 Frekuensi:3832 Horizontal System: DVB-S MPEG-4 Symbol Rate, FEC: 15000, 3/4