Purawisata
Pusat Seni dan Budaya Purawisata utawi kawéntar kaliyan nama Purawisata punika nama satunggal papan pariwisata kanggé kulawarga ingkang mapan wonten ing margi Brigjend Katamso, Yogyakarta, Indonésia. Purawisata punika kawéntar bilih saben dalu wonten tontonan musik dangdut. Kajawi punika Purawisata ugi kawéntar minangka papan kanggé pagelaran Sendratari Ramayana. Pusating seni lan hiburan punika kirang langkung 1 kilomèter saking wewengkon Malioboro.
Minangka papan pariwisata, Purawisata punika kawéntar dumugi masarakat njawi Yogyakarta. Miturut buku Statistik Pariwisata Daerah Istimewa Yogyakarta taun 2002 ingkang diputerbitaken déning Kundha Kebudayan lan Pariwisata DIY, Purawisata kalebet satunggal saking sedasa objek wisata wonten Yogyakarta ingkang kathah piyambak dipunrawuhi déning wisatawan. Wonten ing statistik mau, Purawisata pikantuk urutan kaping pitu sasksampunipun Pasisir baron lan Pasisir Glagah [1].
Kaistimewaan
[besut | besut sumber]Pusat Seni lan Hiburan Purawisata punika sampun wonten nalika taun 1989. Saking wekdal punika manéka warni hiburan wonten ing mriki. Saking hiburan kanggé laré-larédumugi kanggé tiyang sepuh, saking turis lokal dumugi turis manca. Hiburan ingkang dipusediani déning Purawisata inggih punika:
- Taman Rekreasi Kulawarga
Wonten ing papan punika wonten tiga arena hiburan kados ta Fun fair, arena ketangkasan, lan bèji kanggé lare. Wonten ing arena Fun Fair kathah manéka warni dolanan kados ta Kiddy Helly, Boom-boom Car, View Wheel, Merry Go Round, Mini Train, Kiddy Boat, lan Kiddy Ride.
- Panggung Dangdut Purawisata
Papan punika mirunggan kanggé para rawuh ingkang sampun diwasa kanthi hiburan musik dangdut saben dinten kejawi dinten Jumat. Musik dangdut punika dipunpéntasaken déning Orkes Melayu (OM) ingkang gadhah nama ing Yogyakarta inggih punika OM Satria lan OM Lathansa.
Fasilitas sanès
[besut | besut sumber]Wonten ing Pusat Seni lan Budaya Pariwisata wonten restoran ingkang nggabungaken swasana ètnik Jawi kaliyan Bali minangka dekorasinipun. Papan punika anama Jimbaran Resto ingkang nyamaptakaken dhaharan saha unjukan kanthi cita rasa lokal lan internasional. Kajawi punika nalika wanci dalu wonten Calipso Cafe Purawisata ingkang mapan satunggal kawasan kaliyan panggung pagelaran musik [2].
Cathetan suku
[besut | besut sumber]- ↑ [1][pranala mati permanèn], Pusat Seni dan Budaya Purawisata-Jogjatrip (dipun-akses tanggal 23 Oktober 2012).
- ↑ [2] Archived 2012-10-25 at the Wayback Machine., Web Purawisata-Jogjatrip (dipun-akses tanggal 23 Oktober 2012).