Ratih Kumala
Ratih Kumala inggih punika salah satunggaling sastrawan èstri ing Indonésia ingkang miyos wonten ing Jakarta, tanggal 4 Juni 1980.[1]
Biografi
[besut | besut sumber]Ratih Kumala inggih lulusan saking Jurusan Sastra Inggris, Universitas Sebelas Maret, Surakarta.[2] Piyambakipun ugi aktip wonten ing komunitas bumi manungsa, Sala lan AKY (Akademi Kebudayaan Yogyakarta).[2] Sapunika, piyambakipun dalem wonten ing Jakarta kaliyan garwanipun ingkang dados pujangga ugi inggih punika Eka Kurniawan. Kajawi dados pujangga novèl lan cariyos cekak, Ratih ugi dados panyerat skenario. Piyambakipun ugi naté gabung kaliyan tim penulis program Jalan Sesama, ingkang minangka adhaptasi saking program Sesame Street kanggé televisi Indonésia, saha naté makarya dados editor naskah drama, ing satunggaling tv swasta. Ratih Kumala sampun aktip wonten ing dunya panyeratan wiwit taun 2002. Karir seratanipun dipunwiwiti déning seratan fiksinipun. Piyambakipun ugi kathah pikantuk jawara, ing antawisipun inggih sayembara novèl Dewan Kesenian Jakarta ing taun 2003. Ngantos sapunika, piyambakipun sampun ngasilaken 5 buku fiksi. Kajawi saking nyerat buku, piyambakipun ugi aktip nyerat skenario drama kanggé televisi. Kathah jinising acara populer ing tv sampun naté dipungarap, kados ta FTV, sinétron stripping, mini seri, ngantos cariyos cekak 7 menit. Tuladha acaranipun inggih punika “Baju Seragam Anak Pemulung” (FTV) ingkang menang ing Forum Film Bandung ing taun 2009 kategori Sinetron Lepas Terpuji. Mini Seri kados “Cenat Cenut” saha “Go Go Girls” ugi sampun naté dipungarap lan saged sukses. Sapunika piyambakipun aktip dados script editor-produksi Drama ing Trans TV.[3]
Bibliografi/Karya Pribadi
[besut | besut sumber]- Tabula Rasa, novèl (Pemenang Ketiga Lomba Menulis Novèl Dewan Kesenian Jakarta, Grasindo, 2004)
- Genesis, novèl (Insist Press, 2005)
- Larutan Senja, kumpulan carkak (Gramedia Pustaka Utama, 2006)
- Kronik Betawi, novèl (carita bersambung harian Republika, Agustus-Dhésèmber 2008 & Gramedia Pustaka Utama, 2009)
- Gadis Kretek, novèl (Short-list Khatulistiwa Literary Award 2012, Gramedia Pustaka Utama, 2012)
- Smokol: Cerpen Kompas Pilihan 2008 (2009)
- Nonik, sebuah carkak ingkang kamot wonten ing Esquire Indonesia (Dhésèmber, 2011)
- Un Soir du Paris (2010)
- 20 Cerpen Indonesia Terbaik 2008: Anugerah Sastra Pena Kencana (2008)
- 20 Cerpen Indonesia Terbaik 2009: Anugerah Sastra Pena Kencana
- Che: Sebuah Biografi Grafis (2008)
- Di Balik Kaca (2010)
- Menagerie 7: Indonesian short stories and more (2010)