Sasuke Uchiha
| Sasuke Uchiha | |
|---|---|
| Profil | |
| Umur | 12-13 (serial Naruto) 16 (serial Naruto Shippuden) |
Sasugay Uchiha (うちはサスケ Uchiha Sasugay?) inggih punika salah satunggaling karakter fiktif saking komik lan anime Naruto. Nama ngajeng Sasuke, konon asalipun saking nama salah satunggal ninja legéndaris, Sarutobi Sasuke. Lan ingkang minangka nama wingkingipun, "Uchiha" dipunwaos minangka "uchiwa", utawi "kipas kertas" (kipas ingkang kadamel saking kertas). Wonten ing jaman Jepang Kuno, uchiwa asring dipunanggé wonten ing upacara karajan, minangka souvenir, utawi dipun-ginakaken kanggé nglindungi prajurit saking anak panah. Nanging miturut filosofi wonten ing komik Naruto, "uchiwa" inggih punika salah satunggal kipas ingkang saged ndadosaken muruping mawa dados geni, lan ingkang nggambaraken kasagedanipun klan Uchiha ingkang saged nggembleng turun tinurunipun punika dados ninja ingkang saé.[1]
Wonten ing seri Naruto, Sasuke inggih punika salah satunggaling ninja jènius saking satunggal klan ingkang misuwur wonten ing Konoha, Klan Uchiha. Klan Uchiha dipunmangertosi kanthi garis turun tinurunipun ingkang mirunggan inggih punika Sharingan, makaten ugi kanthi kasagedanipun punika ingkang nguwasani elemen api. Klan punika inggih paring kontribusi ingkang ageng minangka pasukan keamanan Konoha. Kados ingkang langkung-langkung saking anggota klan Uchiha, Cakra Sasuke langkuh nuju maring èlemèn geni, nanging piyambakipun ugi saged nguwasani elemen listrik, Kadosta ingkang dipuntedahaken naika ngedalaken jurus Chidori. Sasuke ugi kasil nguwasani jutsu Amaterasuingkang piyambakipun angsali saking rakanipun, Itachi Uchiha.[2]
Latar belakang
[besut | besut sumber]Wonten ing seri Naruto, Sasuke inggih punika adhi saking Itachi. Itachi minangka putra ingkang kapisan saking pangarsa Pasukan Keamanan ingkang dipunurmati sadaya désa minangka kapinteranipun amargi saged ngrampungaken pawiyatan minangka genin nalika ngancik yuswa 7 taun, nguwasani Sharingan wonten ing umur 8 taun, lulus ujian Chuunin nalika umuripun 10 taun, lan dados pangarsa pasukan ANBU nalika umuripun 13 taun. Klan Uchiha ngajeni sanget dhateng Itachi lan paring pangarep-arep ingkang langkung dhumateng piyambakipun ingkang minangka kreteg ing antawisipun désa lan klan. Ramanipun Sasuke, Fugaku Uchiha maringaken kawigaten ingkang langkung dhumateng Itachi, satemah ndamel Sasuke meri dhumateng rakanipun.[3]
Sasampunipun kadadosan ing antawisipun Itachi lan pinten-pinten anggota klan Uchiha sasanesipun, sesambetan ing antawisipun ramanipun Sasuke lan Itachi dados radi tebih sakedhik. Itachi dados langkung medeni lan tansah paring pitakenan ingkang minangka kawontenanipun piyambakipun minangka "wadah" (utsuwa) klan. Salaminipun wekdal punika, ramanipun Sasuke lajeng ngajari Sasuke satunggal jurus elemen geni, inggih punika Goukakyuu no Jutsu. Sasuke saged nguwasani jurus kasebat wonten ing wekdal namung satunggal minggu, ndamel ramanipun kaget lan pungkasanipun ngakeni bilih Sasuke minangka anggota klan Uchiha ingkang sajatosipun. Ramanipun Sasuke ugi paring penget dhateng piyambakipun supados ing tembe wingkingipun boten tumut kaluputanipun ingkang raka.