Siprus

Κυπριακή Δημοκρατία Kypriakí Dimokratía (Yunani) Kıbrıs Cumhuriyeti (Turki)
Gendéra Aditamèng
Motto: —
Gunagita: Ymnos pros tin Eleutherian 1
Kuthagara lan Kutha paling gedhé	Nikosia
Jawatbasa	Yunani, Turki
Papréntahan	Républik
• Présidhèn	Dimitris Christofias 2
Kamardikan
• Banyu (%)	-
Population
• Pikira-kira 2005	780.133 5 (155)
• Cacahjiwa 2001	689.565 6
GKK  (ITK)	Pikira-kira 2005
• Gunggung	US$15,76 miliar (117)
• Saben wong	US$19.633 (36)
Artacihna	Euro (EUR)
Laladan wektu	UTC+2
• Mangsa ketiga (AKK)	UTC+3
Kodhé bèl	357 7
TLD internèt	.cy
1. "Ymnos pros tin Eleutherian" uga mnangka lagu kabangsan Yunani. 2. Républik Turki Siprus Utara (RTSU) nguasani wewengkon lor lan nduwé presiddèn dhéwé. 3. Ora diakoni déning Turki, siji-sijiné nagara kang ngakoni RTSU. 4. Area ambané 5.895 km² ing wewengkon kidul lan 3.355 km² ing wewengkon lor. 5. Ora kalebu ±230.000 jiwa ing tlatah lor. 6. Ora kalebu sing ndunungi RTSU. 7. +90-392 (kodhe akses Turki) digunakaké ing wewengkon lor.

Républik Siprus yaiku nagara pulo ing Sagara Tengah pérangan wétan, udakara 113 km kidulé Turki lan 120 km kuloné Suriah. Kutha krajané yaiku Nikosia. Kutha wigati liyané antarané Limassol, Larnaca, Paphos, Famagusta, lan Kyrenia.

Wiwit taun 1974, ing pérangan lor ana Républik Turki Siprus Lor, kang mung diakoni déning Turki.

Sajarah

Sawisé 1945

Siprus, nalika isih dadi jajahan Karajan Manunggal, arep diwènèhaké marang Yunani. Nanging minoritas Turki nulak. Sidané kompromi disarujuki lan taun 1959 diyasa nagara Siprus mardika. Nanging nagara Yunani lan Turki kaloroné durung puas lan pungkasané taun 1974 sawijining golongan kang kepéngin persatuan karo Yunani nganakaké kudéta kang diwales nganggo invasi Turki. Miwiti kadadéan iku Turki mbanjur nguwasani wewengkon lor.

Anggota Uni Éropa

Tanggal 1 Mèi 2004, Siprus dadi anggota Uni Éropa. Nanging kang diidinaké mèlu mung wewengkon kidul waé, séjé babé yèn wewengkon lor uga péngin dadi siji manèh. Pungkasané sing ndunungi wewengkon lor nekan pamaréntahé supaya dadi siji karo wewengkon kidul. Tanggal 24 April 2004 wewengkon lor (kang dipanggedhèni déning Raouf Denktash) mratélakaké "iya" marang gagasan persatuan. Laladan kidul (kang dipanggedhèni déning Tassos Papadopoulos) mratélakaké "ora" tumrap persatuan. Sidané mung pérangan kidul waé kang dadi anggota Uni Éropa.

Ékonomi

Ékonomi Siprus gumantung marang ekspor produk tani (jeruk, kenthang, anggur, tembako) lan saka pariwisata. Sektor perikanan amèh ora ana artiné; tlatah banyu ing saubengé pulo kurang ana iwaké. Séjéné iku sèktor pertambangan isih nguntungaké (tembaga, wesi, marmer lan gipsum). Tembung tembaga sajeroning basa-basa Éropa ngrupakaké derivasi saka tembung "Siprus" ing basa Yunani kupros, upamané tembung copper (basa Inggris) utawa koper (basa Walanda).

Deleng uga

• Pratélan nagara
• Républik Turki Siprus Utara

Pranala njaba

• Situs resmi Archived 2008-12-17 at the Wayback Machine.
• Situs resmi pariwisata
• information and news about both parts of Cyprus Archived 2017-09-22 at the Wayback Machine.
• Cyprus Guide

Peta Siprus