ლიტრიმის საგრაფო
| საგრაფო | |||||
|---|---|---|---|---|---|
|
ლიტრიმი County Leitrim Contae Liatroma | |||||
| |||||
| ქვეყანა |
 ირლანდია | ||||
| ადმ. ცენტრი | კერიკ-ონ-შენონი | ||||
| შიდა დაყოფა | Carrick-on-Shannon, Manorhamilton და Ballinamore | ||||
| კოორდინატები | 54°07′00″ ჩ. გ. 8°00′00″ დ. გ. / 54.11667° ჩ. გ. 8.00000° დ. გ. | ||||
| ფართობი | 1,588 კმ² | ||||
| მოსახლეობა | 31,778 კაცი (2011) | ||||
| სასაათო სარტყელი | UTC±00:00 | ||||
| საავტომობილო კოდი | LM | ||||
| ოფიციალური საიტი | leitrimcoco.ie | ||||
 | |||||
ლიტრიმის საგრაფო (ინგლ. County Leitrim, ირლ. Contae Liatroma) — საგრაფო ირლანდიაში, კონაქტის პროვინციაში.
სახელწოდება
[რედაქტირება | წყაროს რედაქტირება]საგრაფომ სახელი მიიღო სოფელ ლიტრიმისაგან .
გეოგრაფია
[რედაქტირება | წყაროს რედაქტირება]ფართობი
[რედაქტირება | წყაროს რედაქტირება]ლიტრიმის საგრაფოს ფართობი არის 1 588 კმ². იგი ამ მაჩვენებლით ბოლო ადგილზეა კონაქტის პროვინციაში, ხოლო 26-ეზე (32-დან) ირლანდიაში.
საზღვრები
[რედაქტირება | წყაროს რედაქტირება]ლიტრიმს ჩრდილოეთიდან ესაზღვრება დონეგალის საგრაფო, ჩრდილო-აღმოსავლეთიდან ფერმანა, აღმოსავლეთიდან — კავანი, სამხრეთიდან — ლონგფორდი, სამხრეთ-დასავლეთიდან — როსკომონი და სლაიგო — დასავლეთიდან. ლიტრიმის უკიდურეს ჩრდილო-დასავლეთ ნაწილს აქვს გასასვლელი ატლანტის ოკეანეზე.
ქალაქები
[რედაქტირება | წყაროს რედაქტირება]ფიზიკური გეოგრაფია
[რედაქტირება | წყაროს რედაქტირება]საგრაფოს ჩრდილო-დასავლეთი ნაწილი გამოირჩევა მთიანი ლანდშაფტით, შედარებით მოსწორებულია მისი სამხრეთ-აღმოსავლეთი მხარე. მათ ერთმანეთისგან ლოხ-ალენის ტბა ჰყოფთ. ეს ტერიტორია გამორჩეულია ბუნებრივი სილამაზით: მაღალი მთებით, ღრმა ველებით, მდელოებით, ტბებითა და მდინარეებით. ლიტრიმს აქვს ყველაზე მოკლე სანაპირო ზოლი იმ ირლანდიური საგრაფოებიდან, რომეთაც აქვთ ზღვაზე გასასვლელი. ტულახანში სანაპირო ხაზის სიგრძე მხოლოდ 2.5 კილომეტრია. ლიტრიმში შესაძლებელია ნახვა პანორამული ხედების ლოხ-ალენზე და მდინარე შენონზე.
მოსახლეობა
[რედაქტირება | წყაროს რედაქტირება]- ლიტრიმი როგორც კონაქტში, ისე მთლიანად ირლანდიაში ყველაზე ნაკლებად დასახლებული საგრაფოა.
- ლიტრიმის მოსახლეობა ყველაზე მზარდია კონაქტის პროვინციაში. 2002-დან 2006 წლამდე მისმა მოსახლეობამ 12.2 %-ით მოიმატა.
- 2005 წლის სტატისტიკის მიხედვით ლიტრიმში არის ყველაზე მაღალი მაჩვენებელი უმაღლესი განათლების. 75 % 17-დან 19 წლამდე ახალგაზრდების სწავლობს უმაღლეს სასწავლებელში.
- საგრაფოს ადმინისტრაციული ცენტრი არის კერიკ-ონ-შენონი (3,505 მოსახლე). ეს არის მაღალგანვითარებული სამდინარო-პორტი მდინარე შენონზე. ტურისტებისთვის განსაკუთრებით პოპულარულია საკრუიზო გემებით გასეირნება მდინარეების: შენონისა და ერნის დამაკავშირებელ 63 კილომეტრიან არხზე. კერიკ-ონ-შენონი ერთ-ერთი ყველაზე ზრდადი ქალაქია ირლანდიაში, მან ბოლო რამდენიმე წელიწადში 25 %-ით მოიმატა. [1]
- 2008 წლის მონაცემების მიხედვით, ლიტრიმს აქვს მესამე ყველაზე მაღალი თვითმკვლელობის მაჩვენებელი ირლანდიაში და მამაკაცთა საშუალო ასაკის ყველაზე დაბალი ნიშნული — 72.8 წელი (საშუალო არის 75.6).
რესურსები ინტერნეტში
[რედაქტირება | წყაროს რედაქტირება]- Statusireland.com Leitrim Population Chart (1841 - 2006) დაარქივებული 2008-12-25 საიტზე Wayback Machine.
სქოლიო
[რედაქტირება | წყაროს რედაქტირება]- ↑ IDA Population information on Carrick-on-Shannon. დაარქივებულია ორიგინალიდან — 2008-11-13. ციტირების თარიღი: 2012-07-07.
| ||||||||||||||||||||
| ||||||||||