ჰინა რაბანი ხარი

	ჰინა რაბანი ხარი ; حنا ربّانی کھر
	; ჰინა რაბანი ხარი დავოსში, 2012 წლის 26 იანვარს.
პაკისტანის საგარეო საქმეთა მინისტრი
თანამდებობაზე ყოფნის დრო
	19 ივლისი, 2011 – 16 მარტი, 2013
პრეზიდენტი	ასიფ ალი ზარდარი
პრემიერ-მინისტრი	რაჯა ფერვეზ აშრაფი; იუსუფ რეზა გილანი
წინამორბედი	შაჰ მეჰმუდ ქურეში
მემკვიდრე	სარტაჯ აზიზი
დაბადებული	19 ნოემბერი, 1977 (47 წლის); მულტანი, პაკისტანი
პოლიტიკური პარტია	სახალხო პარტია
რელიგია	ისლამი

ჰინა რაბანი ხარი (ურდუ حنا ربّانی کھر, ინგლ. Hina Rabbani Khar; დ. 19 ნოემბერი, 1977, მულტანი, პაკისტანი) — პაკისტანელი პოლიტიკოსი და ეკონომისტი. პაკისტანის საგარეო საქმეთა მინისტრი 2011-2013 წლებში. პირველი ქალი და ყველაზე ახალგაზრდა პოლიტიკოსი პაკისტანის საგარეო საქმეთა მინისტრის თანამდებობაზე.

ბიოგრაფია

დაიბადა 1977 წლის 19 ნოემბერს გავლენიანი პოლიტიკოსისა და მსხვილი პენჯაბელი მიწათმფლობელის გულამ რაბანი ხარის ოჯახში. დაამთავრა ლაჰორის უნივერსიტეტი, ხოლო შემდეგ სწავლა გააგრძელა მასაჩუსეტსის შტატის უნივერსიტეტი ამჰერსტში. მუშაობდა ეკონომიკურ საკითხებში სახელმწიფო მინისტრის თანამდებობაზე (2008-2011 წწ.).

კარიერა

2002-2008 წლებში ეროვნული ასამბლეის დეპუტატია. ამ პერიოდში იგი პერვეზ მუშარაფის პარტიის წევრია, 2008 წელს გადადის მუშარაფისადმი ოპოზიციურად განწყობილი სახალხო პარტიის შემადგენლობაში. 2008 წელს იგი კვლავ დეპუტატად აირჩიეს სახალხო პარტიის რიგებიდან. 2011 წლის 19 ივლისიდან 2013 წლის 16 მარტამდე საგარეო საქმეთა მინისტრია.

მისი მინისტრობის პერიოდში პაკისტანში გაიმართა სპარსეთის ყურის არაბული სახელმწიფოების თანამშრომლობის საბჭოსა და ისლამური თანამშრომლობის ორგანიზაციის სამიტები. თანამდებობაზე დანიშვნიდან მალევე ესტუმრა ინდოეთს და მოლაპარაკება გამართა ინდოელ კოლეგა სომანაჰალი კრიშნასთან და შეხვდა ქაშმირის სეპარატისტული მოძრაობის წარმომადგენლებს.

რესურსები ინტერნეტში

Ms. Hina Rabbani Khar Federal Minister for Foreign Affairs