Rashit Xojasov
| Rashit Xojasov | |
|---|---|
| Ulıwma maǵlıwmatlar | |
| Milleti | Qaraqalpaq |
| Oqıǵan jeri | Ájiniyaz atındaǵı NMPI (2009) |
| Bilimi | Joqarı |
| Universitet | Ájiniyaz atındaǵı NMPI (2009) |
| Janr | |
| Sayt | |
Rashid Xojasov – Qaraqalpaqstan Respublikasına xızmet kórsetken artist, «Nihol» sıylıǵınıń laureati, xosh hawaz, tuwma talant iyesi R.Xojasov 1985-jılı 12-sentyabr kúni Nókis qalasında tuwıladı. Ol mektepti pitkergennen soń Nókis mádeniyat hám kórkem-óner kolledjiniń akademiyalıq vokal bóliminde ustazları M.Xojaniyazov hám A.Qallievlardan tálim aladı. Soń 2009-jılı Ájiniyaz atındaǵı NMPIdiń «Muzıkalıq tálim» qánigeligine oqıwǵa túsedi.
Dóretiwshilik jolı
[redaktorlaw | derekti redaktorlaw]Ol óziniń jaǵımlı hawazı, bay milliy ırǵaǵı menen xalıq namaların hám basqa zamanagóy qosıqlardı da shıraylı etip kámine keltirip aytatuǵın ózgeshe qosıqshı edi. Onıń dáslepki qosıǵı «Jaman balasań» dep atalıp, bunnan basqa da «Gúlbanıw», «Aygúlim», «Netermen», «Dúnya», «Kútiw», «Súyiklim», «Anajanım», «Ańlattıń maǵan» sıyaqlı qosıqlar xalıqtıń júreginen orın aldı.
Jetiskenligi
[redaktorlaw | derekti redaktorlaw]Ol 2008-jılı «Nihol» sıyıǵınıń laureatı bolıp, usı jılı «Men ashıq bolǵanımda» atlı koncertin xalıqga inám etti. R. Xojasov jeke dóretiwshiligi menen birge Ózbekstan Respublikası mádeniyat hám sport isleri ministrliginiń kórkem dóretiwshilik toparı birlespesiniń Qaraqalpaqstan bólimi «Xalıq sazları orkestri» qosıqshısı bolıp ta isledi. Ol 2012-jılı Qaraqalpaqstan Respublikasına xızmet kórsetken artist ataǵı menen sıylıqlandı.
Ólimi
[redaktorlaw | derekti redaktorlaw]2013-jıl 26-noyabr kúni qaraqalpaq mádeniyatında úlken joǵaltıw boladı, jas talant iyesi R.Xojasov kóz jumadı.
Atın mángilestiriw
[redaktorlaw | derekti redaktorlaw]Onıń atın hám dóretiwshiligin xalıg arasında máńgilestiriw maqsetinde esteligine baǵıshlap tańlaw shólkemlestirildi. Qaraqalpaq mádeniyatında milliy estrada janrında iygilikti xızmet etip, ózleriniń repertuarları menen xalıq kewillerinen orın iyelep kiyatırģan bir topar belgili jas talant iyelerinen Qaraqalpaqstanǵa xızmet kórsetken artistler Jamila Bekbergenova, Ázima Úsenova, Muxabbat Nurjanova, Salamat Qállibekov, Baxtıyar Jumataev, Bayram Perdebaev, Radjiv Atajanov, Gúlnigar Sapaeva, Miraddin Abdullaev, «Nihol» sıylıǵınıń laureatları Gúlnaz Utepova, Qayrat Belchanovlardı aytıp ótiw orınlı.
Derekler
[redaktorlaw | derekti redaktorlaw]- Nadırova A. Qaraqalpaq muzıka tariyxı. –Tashkent, «Sano-standart» baspası, 2018, 384 bet. ISBN 978-9943-5335-2-3