Polonɛɛ kʋnʋŋ

Polonɛɛ kɛna Slavii pɩlɩʊ taa kʊnʊŋ nakʊyʊ. Polɔñɩ ɛjaɖɛ taa lɛ kʊʊŋ ŋgʊ pawɩlɩʊ sukulinaa taa nɛ pʊyɔpɔdʊ-kʊ ɖɔɖɔ komina taa ɛlɛ keteŋga kpeekpe taa pɔyɔɔdʊ-kʊ ɖɔɖɔ pɩlɩɩna Poloñɩ taa ɛyaa ɖɔna wɛʊ ɖoli ɖoli. Slavii kʊnmɩŋ kpeekpe taa lɛ polonɛɛ kɛŋna kʊnʊŋ naalɛ ñɩŋgʊ ŋgʊ pakɩlɩɣ yɔɔdʊ yɔ, pʊtɔbʊ se kacalaɣ ñɩŋgʊ yɔ rusii nɛ ukrɛnɩ kɔyɔ naatozo ŋgʊ. Ɛyaa ɛzɩ miliyɔɔnaa 55 yɔ yɔɔdʊ polonɛɛ kɛ Polɔñɩ ɛjaɖɛ taa.

Pɩnaɣ 2011 taa pakalɩ ɛyaa mba pɩnɩʊ polonɛ yɔ kɛ Aŋglɩtɛɛrɩ taa lɛ, pɛwɛ ɛyaa ɛzɩ 546 000 yɔ. Kanada ɛjaɖɛ taa lɛ pɩnaɣ 2016 taa pakala kɩgalʊʊ lɛ, mba pɔyɔdʊʊ polonɛɛ yɔ pɛkpɛnda 191 770. Ɛyaa mba pɔyɔɔdʊ polɔnɛɛ mbaa yɔ: Etazunii taa lɛ, pɛkpɛnda 560 496; Kewiyaɣ kɩkpɛndaɣ taa lɛ pɛwɛ 546 000; Caama tɛtʊ taa pɛkpɛnda ɛyaa 241 000; Fransɩ taa 500 000 piyele Israyeli taa pɛkpɛnda ɛyaa mɩnɩʊ.