Джанлуиджи Буффон

	Джанлуиджи Буффон
Жалпы мағлұмат
Толық аты	Джанлуиджи Буффон Масокко
Лақап аттары	Джиджи (итал. Gigi),; Супермен; (итал. Superman)
Туған күні	28 қаңтар 1978 (46 жас)
Туған жері	Каррара, Италия
Азаматтығы	Италия
Бойы	192 см
Салмағы	92 кг
Позиция	қақпашы
Жастар клубы
Жастар клубы
1984—1986	Каналетто Сепор
1986—1990	Пертиката
1990—1991	Бонаскола
1991—1995	Парма
Клуб карьерасы
Ұлттық құрамы
	↑ Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады. ; ↑ Ресми матчтарда ұлттық құрамда болған ойындары мен голдар саны. ;
	Бұл үлгіні: көру • талқылау • өңдеу

Джанлуиджи Буффон (28 қаңтар 1978 жыл, Каррара, Италия) — италиялық футболшы, қақпашы. 2006 жылғы әлем чемпионы. Барлық уақыттағы ең жақсы қақпашылардың бірі ретінде танылған^[4]^[5]^[6].

Карьерасы

Клубтық

Буффон А Сериясында алғашқы ойнын 17 жасында «Парма» сапында 1995 жылы «Миланға» қарсы өткізеді. «Пармадағы» шағында ол үшін ең жарқын 1998/99 маусымын есептеуге болады. Сол уақытта Джиджи командасына Италия Кубогы, ұлттық Суперкубок пен УЕФА Кубогы бағынады. Осы командада намысын 168 рет қорғап, 2001 жылы туриндік «Ювентуске» ауысады. Қақпашылар үшін рекордтық 52 млн. еуроны құраған бұл трансфер дүниені дүр сілкіндірген еді. Өзінің «Делле Альпидегі» тұңғыш маусымында «Ювентус» чемпион атанып, Буффон 34 кездесуде 23 қана гол жіберіп, Италия біріншілігіндегі үздік көрсеткішке қол жеткізді. Келесі маусымда «Юве» кезекті «скудеттосын» ұтып, Чемпиондар Лигасының финалында туриндіктерге тек «ескі достары» - «Милан» ғана шешуші бөгет болады.

2005 жылдың тамызында дәл сол «Миланмен» болған кездесуде Какамен соқтысудан соң, Буффон иығынан жарақаттанады. Күрделі операциядан кейін ойынға оралған Джанлуиджи екі ойын өткізіп, қайтадан жарақатқа душар болады да, тек маусымның аяғына таман негізгі құрамға оралады.

Буффон ұзақ жылдар бойы "Ювентуста" ойнады. Туриндің клубта өткен 17 жылдық карьерасында 11 рет Италия чемпиондығына қол жеткізді, үш рет УЕФА Чемпиондар Лигасының финалына шықты. Бірақ Еуропадағы басты турнирде топ жару Буффонға бұйырмапты, үшеуінде де ұтылды. 2006 жылы жазда "Ювентус" жемқорлыққа араласты деген себеппен А сериясынан түсіп қалғанда көптеген футболшылар төменгі лигада ойнағысы келмей, командадан кетті. Буффон болса, "команданы қиын сәтте тастап кетуге болмайды" деп, не де болса барлығын клубпен көруге шешім қабылдады да, клуб жанкүйерлерінің сүйіктісіне айналды.

2018 жылы 19 мамырда "Ювентус" өз алаңында "Веронаны" қабылдады. Буффон өз ғұмырында соңғы рет кәсіпқой футболшы ретінде алаңға шықты да, 60-минутта стадион толы көрермендердің қошаметімен алмастырылды.

2018 жылы 6 шілдеде ПСЖ клубымен бір жылдық келісім шарт жасасты. Париждіктердің қақпашысы Кевин Трапп Буффонға 1-нөмірді сыйға тартты.

2018/19 жылғы маусымнан соң командадан кетті. 2019 жылы 4 шілдеде араға бір маусым салып, "Ювентусқа" оралды. "Ювенің" негізгі қақпашысы Войцех Щенсны 1-нөмірлі футболканы ұсынғанына қарамастан, Буффон 77-нөмірді таңдады.

2021 жылы "Пармаға" қайта оралды.

Ұлттық

Буффонның Италия құрамасындағы мансабы 1998 жылғы Франциядағы Әлем чемпионатына іріктеу кезеңінен бастау алады. 1997 жылы Ресеймен өткен плей-офф кездесуінде «скуадра адзурра» сапында тұңғыш шыққан ол келесі жылы құрамасымен бірге Францияға аттанады. Бірақ, ардагер Джанлука Пальюка қорғаған итальяндықтар қақпасында оған орын табылмады. Келесі ірі турнир – Еуро-2000 додасына дейін ол апенниндіктердің №1 қақпашы орнында беки түседі. Алайда, өкінішке орай жарақат алауына байланысты Голландия мен Бельгияға бармайды.

2002 жылы тұңғыш рет ірі жарысқа қатысып, әлем чемпионатына қатысты. Содан бастап 2016 жылға дейін ірі турнирлердің барлығына негізгі қақпашы боп барды.

Жетістіктері

Командалық

«Парма»

Италия кубогы: 1998/99
Италия суперкубогы: 1999
УЕФА кубогы: 1998/99

«Ювентус»

Италия чемпионы (11): 2001/02, 2002/03, 2004/05, 2005/06, 2011/12, 2012/13, 2013/14, 2014/15, 2015/16, 2016/17, 2017/18
B сериясының чемпионы: 2006/07
Италия кубогы (4): 2014/15, 2015/16, 2016/17, 2017/18
Италия суперкубогы (5): 2002, 2003, 2012, 2013, 2015
УЕФА чемпиондар Лигасының финалисі (3): 2002/03, 2014/15, 2016/17

«Пари Сен-Жермен»

Франция чемпионы: 2018/19
Франция суперкубогы: 2018

Италия құрамасы

Әлем чемпионы: 2006
Еуропа вице-чемпионы: 2012
Конфедерациялар кубогының қола жүлдегері: 2013
Жастар арасындағы Еуропа чемпионы: 1996

Жеке

Италияның жыл қақпашысы (Оскар дель Кальчо) (12): 1999, 2001, 2002, 2003, 2005, 2006, 2008, 2012, 2014, 2015, 2016, 2017
Италиядағы жыл футболшысы (1): 2017
Әлемнің үздік қақпашысы (5): 2003, 2004, 2006, 2007, 2017
УЕФА версиясы бойынша Еуропаның үздік қақпашысы (3): 2003, 2016, 2017
Чемпиондар Лигасының үздік қақпашысы (3): 2003, 2006, 2017
Әлем чемпионатының үздік қақпашысы: 2006
ФИФА 100

Дереккөздер

↑ Guerra, Andrea A Gigi Buffon il premio Scirea: sul podio Barzagli e Abbiati. La Gazzetta dello Sport (26 шілде 2016). Тексерілді, 29 қаңтар 2021. (итал.)
↑ Buffon: «Superman? E' nato così...». Tuttosport (4 қазан 2009). Басты дереккөзінен мұрағатталған 4 наурыз 2016.(қолжетпейтін сілтеме)
↑ ^a ^b Gianluigi Buffon (фран.). Paris Saint-Germain FC. Тексерілді, 25 қаңтар 2021.
↑ Bandini, Nicky Leonardo Bonucci in the spotlight as Inter cannot stop remarkable Juventus (ағыл.). The Guardian (29 February 2016). Тексерілді, 24 қаңтар 2021.
↑ Buffon goes from OAP to VIP in Bayern's esteem (ағыл.). Eurosport (9 April 2013). Тексерілді, 24 қаңтар 2021.
↑ Graham, Neale The best goalkeepers of all time (ағыл.). CNN (9 February 2009). Тексерілді, 24 қаңтар 2021.

Сілтемелер

Джанлуиджи Буффонның Италия футбол федерациясының ресми сайтындағы профилі (итал.)

[club-4] Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.

[national-5] Ресми матчтарда ұлттық құрамда болған ойындары мен голдар саны.

[premio-Scirea-1] Guerra, Andrea A Gigi Buffon il premio Scirea: sul podio Barzagli e Abbiati. La Gazzetta dello Sport (26 шілде 2016). Тексерілді, 29 қаңтар 2021. (итал.)

[superman-2] Buffon: «Superman? E' nato così...». Tuttosport (4 қазан 2009). Басты дереккөзінен мұрағатталған 4 наурыз 2016.(қолжетпейтін сілтеме)

[psg-3] Gianluigi Buffon (фран.). Paris Saint-Germain FC. Тексерілді, 25 қаңтар 2021.

[6] Bandini, Nicky Leonardo Bonucci in the spotlight as Inter cannot stop remarkable Juventus (ағыл.). The Guardian (29 February 2016). Тексерілді, 24 қаңтар 2021.

[Buffon_goes_from_OAP_to_VIP_in_Bayern's_esteem-7] Buffon goes from OAP to VIP in Bayern's esteem (ағыл.). Eurosport (9 April 2013). Тексерілді, 24 қаңтар 2021.

[8] Graham, Neale The best goalkeepers of all time (ағыл.). CNN (9 February 2009). Тексерілді, 24 қаңтар 2021.

[1]

[2]

[3]

[* 1]

[* 2]

[4]

[5]

[6]