Gulaş
Gulaş
| |
---|---|
![]() | |
Welat | |
Dewlet | Mecaristan ![]() |
Pêk tê ji | |
biguhêre - Wîkîdaneyê biguhêre![]() |
Gulaş xwarineke quşxaneyê ye. Mirov dikare wekî hêyavk an şorbeyekê jî binavbike, lewra gelek cureyên wê hene.
Gulaş di pêjgeja gelek gelan de heye. Kurd jî dizanin û ji xwe paşpirtika +aş bi kurdî wateya xwarinê pê dixe. Peyv ji xaşandinê tê lewra bi kelînê goşt dixaşe. Di zimanê mecarî de navê wê gulyás e û ew jî tê wateya gavan. Rojavayî bingeha vê xwarinê bi Mecaristanê ve girêdidin, dibêjin ji wir belavbûye.
Standardeke wê nîne. Ji goştê pez an dewarê tê çêkirin. Goşt tê tîkekirin, pîvaza hûrkirî jî di nav de, tê biraştin. Sîra kutayî, reşke (kîmyon), îsota dirêj, kartol û fringî (bacanê sor, tomatos) jî dikeve navê. Li Mecaristanê bi navê székely gulyás cureyekê wê yê din jî heye ku bi kremaya tirş tê çêkirin. Mirov dikare wê wekî xwarineke cuda jî binirxîne, lewra kelem, goştê berazê û biharat tê de heye.
Cureyên sereke yên gulaşê
[biguhêre | çavkaniyê biguhêre]Gulyás
[biguhêre | çavkaniyê biguhêre]Gulyás cure şorbeyeke mecarî ye.
Gulaşa dîzê (dîzil)
[biguhêre | çavkaniyê biguhêre]Bi mecarî jê re Bográcsgulyás dibêjin. Di pîrozvahiyan te gelek tê xwarin. Xwê, biharat, sîr, kîmyon, îsota tûj (a pûlpelî) tehma xwe dide xwarinê.
Gulaşa loviyê
[biguhêre | çavkaniyê biguhêre]Xwarineke mecarî ye, quşxaneyî ye. Lovî lê tê zêdekirin. Wekî terîfeya ya bi sêvaxînê ye, bes ji dêl wê lovî tê tevlîkirin.
Gulaşa sêvaxînê
[biguhêre | çavkaniyê biguhêre]Ji sêvaxînê (sêva binerdî) ye.
Pörkölt
[biguhêre | çavkaniyê biguhêre]Pörkölt nêzîkê Gulyásê ye.
Esterházygulaş
[biguhêre | çavkaniyê biguhêre]Silka zer, gizêr, kartolê xwêkirî lê tê zêdekirin, ji goştê dewarê, pirranî ji yê berazê tê çêkirin.
Gulaşên goştê dewarê
[biguhêre | çavkaniyê biguhêre]Gelek cureyên wê hene. Bi taybetî li Almanya û rojhilatê Ewropayê bi dehan cureyên ji goştê dewarê tên xwarin.
Li Almanyayê:
Szegediner Gulasch
[biguhêre | çavkaniyê biguhêre]Jê re herwiha gulaşa biharatî jî dibêjin. Wekî cureyên klasîk tê amadekirin.
Gulaşa Debreczinerî
[biguhêre | çavkaniyê biguhêre]Ji sosîsa Debrecziner-Wurstê tê amadekirin.
Gulaşa golikê
[biguhêre | çavkaniyê biguhêre]Pîvaz û tîkegoşt heya zerayî pê ket tên biraştin. Beriya wê divê goşt bê biharatkirin û xwêkirin. Ard (arvan) pê tê werkirin. Piştre tê kelandin.
Gulaşa çîganan
[biguhêre | çavkaniyê biguhêre]Ji goştê dewarê yan berazê ye. Fringî (tomatos, bacanê sor) dikevê, herwiha kartol jî. Çima jê re ya çîganan gotine, nayê zanîn. Dibe ku bingeha vê xwarinê heya Hindistanê dûr be.
Paprikás
[biguhêre | çavkaniyê biguhêre]Versiyoneke Pörkölt a mecarî ye. Bi biharatên tûj (no) tê çêjdarkirin, lewra jî jê re paprîkayî-îsotî gotine.
Gulaşa sosîs an beniyê
[biguhêre | çavkaniyê biguhêre]Li Almanyayê jê re Wurstgulasch dibêjin ku pirranî li herêmên berê yên DDRê tê xwarin. Merge, ketçap jî tê tevlîkirin. Pirranî bi meqarneyê tê servîskirin.
Galerî
[biguhêre | çavkaniyê biguhêre]-
Cureyeke gulaşa mecaran
-
Gulaşa Çekyayiyan a bi goştê dewaran
-
Şorbeya gulaşê
-
Cureyeke gulaşa polonan
-
Fiakergulasch, bi sosîs, hêk û kufteyê tê servîskirin
-
Gulaşa Szegedinerî ya bi gilûlikan
Çavkanî
[biguhêre | çavkaniyê biguhêre]- Petra Foede, Lêgerîna terîfeyan: Dîroka gulaşê (almanî)
- Károly Gundel: Kleines ungarisches Kochbuch. - Pirtûkeke bêrikê ya terîfeyên mecarî Corvina Budapest 1992. ISBN 963-13-3601-8 (almanî)