Опока (геологияда)

The printable version is no longer supported and may have rendering errors. Please update your browser bookmarks and please use the default browser print function instead.

Опока (геологияда) – майда тешикчелүү бекем жана жеңил чөкмө тоо тек. Көбүнчө чопо, кум, глауконит ж. б. кошундулардан жана майда бүртүкчөлөрү суу-аморфтуу кремнезёмдон (97%ке чейин) турат. Ошондой эле начар сакталган диатомей менен губкалардын спикулалары кездешет. Өңү боз, каралжын-боз. Таза опока жогорку адсорбциялык касиети менен мүнөздөлөт. Опока негизинен палеоген жана жогорку бор чөкмөлөрүндө жолугат. Адсорбент катары газ, химия ж. б. өндүрүштө колдонулат. Таза сортунан карапа жасалат.

Колдонулган адабияттар

“Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111 -7