Alma nox
"Alma nox" vel "Tranquilla nox"[1] vel "Silens nox"[2] vel "Sancta nox"[3] vel "O silens nox"[4] est hymnus Nativitatis Iesu Christi, qui fere toto orbe Christiano notus est. A magistro et organista Francisco Xaverio Gruber et a presbytero Iosepho Mohr compositus et primum anno 1818 mense Decembri in Vigilia Nativitatis Christi in ecclesia Sancti Nicolai in vico Oberndorfio prope Salisburgum (Austria) cantatus est. De necessitate cantandi ad citharam fert fama, multis in fabellis popularibus repetita: organistam organulo ecclesiae tunc ruinoso diffidentem ante ipsum festum presbyterum consuluisse, qui ei suaderet, ut versus huius carminis iam prius factos ad duas voces cantandos cithara comitante componeret.
Anno 1832 id carmen natalicium, cum auctores iam in oblivione iacebant, Lipsiae una cum variis carminibus Tiroliensibus cantatum est, auditoribus placuit et quasi volatu in orbe terrarum innotuit. Editio princeps anno 1833 Dresdae publicata est. In hodiernum diem plus quam 300 conversiones carminis in varias linguas factae sunt.[5]
Ecclesiola in Oberndorfio, ubi carmen primo cantatum est (quae Theodisce itaque Stille-Nacht-Kapelle appellatur), quot annis a multis hominibus visitur.
Carmen ex sex strophis constat, quarum tantum tres (prima, secunda, sexta) cani solent.
Verba carminis
recensereAliae eiusdem carminis versiones invenies apud Vicifontem.
Alma nox, tacita nox!
Omnium silet vox.
Sola Virgo nunc beatum
Ulnis fovet dulcem natum.
Pax tibi, Puer, pax!
Alma nox, tacita nox!
O Iesu, tua vox
Amorem nobis explanat
Nos redemptos esse clamat
In tuo natali.
Notae
recensere- ↑ s:Tranquilla nox! Sancta nox!
- ↑ s:Silens nox, sacra nox!
- ↑ s:Sancta nox, placida nox
- ↑ O silens nox (Hoc carmen non tantum rimans, sed etiam metricum est. Vide textum colore rubro scriptum!)
- ↑ Verba carminis Theodisce, Anglice, Latine, Danice, Bohemice, Norvegice, Polonice: [1].
Ceteri nexus externi
recensere
|
Vide Alma nox apud Vicifontem. |
 |
Adeste Fideles · Adoro te devote · Ad regias Agni dapes · Aeterne Rex Altissime · Agnus Dei · Alma nox · Alma Redemptoris Mater · Alto ex Olympi vertice · Amazing Grace · Angele Dei · Angelus Domini · Anima christi · A solis ortus cardine · Audi benigne Conditor · Aurora, solis nuntia · Ave Maria · Ave maris stella · Ave Regina Coelorum · Ave verum corpus · Beata nobis gaudia · Beate Pastor Petre · Benedictus · Benedictus es Domine Deus · Caelestis agni · Caelestis aulae nuntius · Caelestis urbs Jerusalem · Caelitum Joseph decus · Christe sanctorum · Confiteor · Cor arca · Conditor alme siderum · Credo · Crudeles Herodes Deum · Custodes · Decora lux aeternitatis · Deus tuorum militum · Domare cordis impetus · Genuit puerpera regem · Gloria in excelsis · Gloria Patri · Kyrie · Lauda Sion · Litaniae Lauretanae · Litaniae Sanctorum · Litaniae Iesu Christi Sacerdotis et Victimae · Magnificat · Memorare · Nunc dimittis · Nunc Sancte nobis Spiritus · O Sanctissima · Pange Lingua · Pater noster · Quem pastores laudavere · Regina Caeli · Requiem · Salve Regina · Sanctus · Signore delle cime · Signum Crucis · Stabat Mater · Sub tuum praesidium · Symbolum Apostolorum · Symbolum Nicaenum Constantinopolitanum · Symbolum Quicumque · Tantum ergo · Te Deum · Tota Pulchra Es · Veni Creator Spiritus · Veni Redemptor Gentium · Veni Sancte Spiritus · Vexilla Regis
Ordines orationum
Rosarium