Agesilaus (Xenophon)

Vide etiam paginam discretivam: Agesilaus.

Agesilaus est laudatio regis Spartae Agesilai II post mortem eius (circa 360 a.C.n.) a Xenophonte conscripta, qui eum in pluribus expeditionibus militaribus comitatus erat atque ita testis factorum fuerat. Plures laudationes funebres huius regis illo tempore editae sunt, sola Xenophontea hodie exstat.

Plerasque res gestas a rege Agesilao iam narraverat Xenophon in Hellenicis suis : itaque saepe paucis vel immutatis verbis vel additis vel sublatis eaedem sententiae repetuntur e priore opere (cap. 1-2). Nihilominus virtutes amici sui, ut aequum est in laudatione, prolixius et studiosius in maius attollit (cap. 3-11). Itaque argumentum huius libelli non multum distat a Cyropaedia, id est descriptione regis perfecti.

Editiones

• Princeps : Ioannes Reuchlin, Hagenoae, 1520 cum Hierone et Apologia Socratis.
• Marchant E.C., Xenophon Scripta minora with an English translation, Londinii, Heinemann, 1925. (Loeb Classical library)
• Agesilaus apud Vicifontem Graecum

Plura legere si cupis

• Pierre Pontier, "Xénophon : la place de l’éloge dans l’écriture de l’histoire, des Helléniques (VI-VII) à l’Agésilas", Dialogues d'histoire ancienne, 2010 Suppl. 4-2ː 405-417
  • "Isocrate et Xénophon, de l’éloge de Gryllos à l’éloge du roi : échos, concordances et discordances", Ktèma, 2016ː 43-58