Fretum Tataricum
Fretum Tataricum[1] est fretum inter Eurasiam (territorium Fortunianum Russiae) et Sachalinam insulam. Maria Iaponicum et Ochotense coniungit; pars freti inter Sachalinam et continentem septentrionalis et artissima (latitudinis 8 chm) fretum Nevelskii[2] nuncupatur. Litora freti Nevelskii et freti Tatarici a promunturiis Australi (Južnyj) et Tyk dividuntur; latitudo freti hic 40 chm est et altutido 10 m. Fines freti Tatarici meridionales sunt promunturium Kuznetsovii Sachalinae et promunturium Belkinii territorii Maritimi; latitudo freti hic 328 chm er altitudo 1773 m est. Longitudo freti 713 chm est; fretum est hemisphaerii septentrionalis longissimum.
Notae
[recensere | fontem recensere]- ↑ Norae Zabinkovae et Moysis Kirpicznikov Nomina physico-geographica principalia URSS s.v. Татарский пролив.
- ↑ Norae Zabinkovae et Moysis Kirpicznikov Nomina physico-geographica principalia URSS s.v. Невельского, пролив. In honorem Gennadii Nevel'skoj nominatum.
Nexus externi
[recensere | fontem recensere]
|
Situs geographici et historici: Locus: 52°11′0″N 141°37′0″E • GeoNames • Store norske Lexikon • Большая российская энциклопедия |
|
Vicimedia Communia plura habent quae ad fretum Tataricum spectant. |