Pharmacologia

Cave: notitiae huius paginae nec praescriptiones nec consilia medica sunt.

Variae res **pharmacologicae,** inter quas neuropharmacologia, pharmacologia renalis, metabolismus humanus, metabolismus intracellularis, et regulatio intracellularis

Pharmacologia (e verbis Graecis φάρμακον 'remedium', 'venenum' et λόγος 'ratio') est scientia actionis et reactionis inter substantias et organismos. Pharmacologiae ergo termini praecipui sunt pharmacodynamicae velut pharmacocineticae. Magnam vim habere possunt et substantiae ad organismum (pharmacodynamica) et organismus ad substantias (pharmacocinetica). Subdisciplinae pharmacologicae sunt, exempli gratia, neuropharmacologia, pharmacogenetica, et toxicologia.

Pharmacia invicem substantiarum usum (progressum, probationem, fabricationem, introductionem) tractat.

De substantiis

Ob perspicuitatem diligentiorem inter verbos substantiae, drogae, pharmacou^?, medicamenti necesse est discribi:

Substantia—Materia sive substantia chemica quoad compositionem constans
Droga^[1]—quaelibet substantia biologice activa
Pharmacon—quaelibet substantia activa biologica sive pars drogae quaedam activa cum substantia vel substantiis endogenis (de origine interiori)
Medicamentum pharmaceuticum— aut substantia aut droga aut pharmacon in morbos dignoscendos et tractandos

De substantiarum naturis pharmacologicis

De substantiarum vi pharmacodynamica ad organismum (pharmacodynamica)

Conferatur pagina principalis Pharmacodynamica.

Pharmacodynamica substantiarum effectus describit, ut effectus grati et non grati (secundarii) et interactiones, sicut rationes inter dosim et effectus, machinationes effectuum, toxicodynamicam.

Pars pharmacodynamicae novior est pharmacodynamica multicellularis (imminuta 'MCPD'), quae effectus substantiarum cellularumque plurium et in vivo et in vitro investigat.

De substantiarum motu in organismo (pharmacocinetica)

Conferatur pagina principalis Pharmacocinetica.

Quomodo sive quare corpus animale substantiae respondet, cum specimine "camerarum multarum" explicari potest. Communiter quattuor notiones in usu sunt: absorptio, distributio, metabolismus et excretio. Eae ADME abbreviantur, aliquando cum praestante "L" (liberatio) L-ADME utitur. Hi effectus cum notione pharmacocineticae conectuntur. His in rebus diversae formae transitionis inter liquores et cellulas agunt, exempla sunt:

Diffusio passiva: sine energia ("secundum fluxum")
per proteina oneraria (Systema classificationis proteinarum onerariarum TCDB^[2]: 2A)
Transitus activus: energiam consumens ("adversus fluxum")

Cum substantia activa non iam diluta sit, liberatio velocitatem in tali re statuens primo grado erit. At substantiae inactivae aeque eodem modo momenti sunt. ^?

Absorptio

Conferatur pagina principalis Absorptio (pharmacologia).

Absorptio est transitus substantiae liberae in sanguinem per tunicam mucosam (oralem, gastricam, intestinalem, bronchialem) sive per cutem. Definitio alia absorptionem drogae motum de administrationis situ ad compartimentum centrale esse dicit.^[3]

Si iecur pars transitus est, effectus primi transitus (sc. per illud) substantiis variis momentum habet. Hoc metabolismo praesystemico illae per primam iecoris transitum suum diminuuntur. Exempla effectus primi transitus sunt imipraminum sive diazepamum.

Distributio

Distributio substantiam, simulatque in sanguinem, inter organismi vivi liquores extracellulares et tela cum liquore intracellulari continuo mutari significat^[4].

Metabolismus

Conferatur pagina principalis Metabolismus.

Brevi metabolismo substantiarum significatio duplex est: 1. Formatio (anabolismus) substantiae activae e substantia inactiva - ad exemplum: L-DOPA (substantia inactiva) et dopaminum (substantia activa). 2. Dissolutio (catabolismus) substantiae activae ad substantiam inactivam, velut insulinum (substantia activa) in duo fragmenta (inactiva) dividitur.

Excretio

Magna ex parte excretio per renes fit, minus per faeces. Excretio substantiarum activarum per lac mammarum infantem in periculum adducere possit. Substantiae excretionis sunt ammonia, urea, guaninum, acidum uricum, creatininum creatinumque, corpuscula ketonica, gases intestinales (ut Nitrogenium,methanum, aquae vapor).

Valores et signa

Qualitas pharmacocinetica cuiusdem substantiae

accessibilitate biologica [%] (ad absorptionem: fractio substantiae liberae et immutatae, quae post applicationem ad apparatum circulatorium pervenit),
initio effectuum [t] (initium temporis effectuum primariorum vel secundariorum),
Coniunctione proteinorum [%] (gradus coniunctonis ad proteina oneraria in sanguine)
metabolismo [%] (fractiones hepatica et renalis),
tempore semivitae biologico t_½ [t] (tempore, quod usque ad deminutionem effectuum pharmacologicorum ad dimidium praeterit),
modo excretionum ([%]) (urina, faeces)

nominari potest.

Abusus

Complures substantiae ad dependentiam corrumpere possunt. Abusus exemplum est grex benzodiazepinorum.

Substantiarum pharmacologicarum systemata classificationis

Systema classificationis Anatomicum Therapeuticum Chemicumque (Codex ATC)

Conferatur pagina principalis Systema classificationis Anatomicum Therapeuticum Chemicumque.

Ordo mundi sanitarius (OMS, anglice WHO) omnes substantias medicamentorum pharmaceuticorum organismum moventes in indicem nomine "Codex ATC" (Systema classificationis Anatomicum Therapeuticum Chemicumque) rettulit. Ad exemplum C03 significat diuretica, J01AA02 Doxycyclinum (antibioticum, tetracyclinum).

Neuroscientia subiecta nomenclatura

Ab anno 2008 Collegium Europaeum Neuropsychopharmacologia ECNP novam discriptionem ad greges substantiarum psychopharmacologicarum designandas proposuit^[5]. Illa nomenclatura neuroscientiae subiecta progressum illius sequatur^[6].

Subdisciplinae

Nexus interni

Bibliographia

Brunton, Laurentius L., Ioannes S. Lazo, et Keith L.Parker. 2006. Goodman & Gilman's the pharmacolgical basis of therapeutics. Sunderlandiae Massachusettae: McGraw-Hill. ISBN 0-07-142280-3. (Anglice).

Notae

↑ de verbo Batavo droog = siccus
↑ Saier MH, Tran CV, Barabote RD (Ianuarius 2006). "TCDB: the Transporter Classification Database for membrane transport protein analyses and information". Nucleic Acids Res. 34 (Database issue): D181–D186 .
↑ Goodman, Louis Sanford, 1906-; Gilman, Alfred, 1908-; Brunton, Laurence; Lazo, John S.; Parker, Keith L. (2006). Goodman & Gilman's the Pharmacological Basis of Therapeutics (11th ed.). Novum Eboracum: McGraw-Hill .
↑ http://www.reocities.com/carminepascuzzolima/FC_Distrib.PDF^{[nexus deficit]}
↑ Zohar J, Nutt DJ, Kupfer, Moller H-J, et al. (2014). A proposal for an updated neuropsychopharmacological nomenclature. Eur Neuropsychopharmacol 24: 1015-14.
↑ Situs interretialis ECNP de neuroscientia subiecta nomenclatura (Anglice)

Nexus externi

Usus medicamentorum in Suecia (Statistikdatabas för läkemedel). (Suecice).

De Medicina

Disciplinae medicinae conservativae	Cardiologia • Dermatologia • Endocrinologia • Gynaecologia et Obstetricia • Gastroenterologia • Haematologia • Hepatologia • Immunologia clinica • Infectologia • Nephrologia • Neurologia • Neuropsychologia • Oncologia • Paediatria • Pharmacologia • Pneumonologia • Psychiatria • Rheumatologia • Toxicologia • Transfusiologia • Virologia
Disciplinae medicinae chirurgicae	Anaesthesia • Chirurgia • Chirurgia generalis • Chirurgia maxillofacialis • Chirurgia plastica • Neurochirurgia • Ophthalmologia • Orthopaedia • Otorhinolaryngologia • Traumatologia • Urologia
Disciplinae aliae	Medicina Legalis • Microbiologia et Parasitologia • Nanopathologia • Pathologia • Physiatria • Physiologia • Psychologia • Psychotherapia • Radiologia • Sanitas publica

[1] verbo Batavo droog = siccus

[2] Saier MH, Tran CV, Barabote RD (Ianuarius 2006). "TCDB: the Transporter Classification Database for membrane transport protein analyses and information". Nucleic Acids Res. 34 (Database issue): D181–D186 .

[Goodman_Gilman-3] Goodman, Louis Sanford, 1906-; Gilman, Alfred, 1908-; Brunton, Laurence; Lazo, John S.; Parker, Keith L. (2006). Goodman & Gilman's the Pharmacological Basis of Therapeutics (11th ed.). Novum Eboracum: McGraw-Hill .

[4] ttp://www.reocities.com/carminepascuzzolima/FC_Distrib.PDF^{[nexus deficit]}

[5] Zohar J, Nutt DJ, Kupfer, Moller H-J, et al. (2014). A proposal for an updated neuropsychopharmacological nomenclature. Eur Neuropsychopharmacol 24: 1015-14.

[6] Situs interretialis ECNP de neuroscientia subiecta nomenclatura (Anglice)

[1]

[2]

[3]

[4]

[5]

[6]