Rochus Kaboré
Rochus Marcus Christianus seu vulgo Roch Marc Christian Kaboré (Uagadugu in urbe die 25 Aprilis 1957 natus) est politicus civitatis Burkina Faso.
Rochus Marcus Kaboré, e populo Mossi ortus, filius est Caroli Bila Kaboré qui praeceptor atque deinde politicus meruit. Rochus, in urbe natali educatus, est alumnus universitatis Divionensis in Francia ubi gestioni commerciali studuit. In patriam reditus anno 1984 rector factus est Argentariae internationalis Burkinensis. Ab anno 1989, praeside Blasio Compaoré, brevia temporis spatia minister fuit a commeatu et a vectigalibus. Anno 1994 primus minister promotus est, quod officium duos annos tenuit. In comitiis diei 29 Novembris 2015 praeses electus est, aemulo Zephyrino Diabré devicto. Officium praesidis die 29 Decembris eiusdem anni suscepit. Mense Novembri 2021, Rochus Marc Christian Kaboré demonstrationes opponere debet contra suspiciones crescentes in patria et in potestate sunt.
Bibliographia
[recensere | fontem recensere]- "Burkina Faso elections: Roch Marc Kabore named new president" in The Guardian (1 Decembris 2015)
- Emmanuel Akinwotu et al., "Coup in Burkina Faso as army confirms removal of president" in The Guardian (24 Ianuarii 2022)
Nexus externi
[recensere | fontem recensere]
|
Lexica biographica: • Treccani • |
 | |
|
Mauritius Yaméogo 1959 • Sangoulé Lamizana 1966 • Saye Zerbo 1980 • Ioannes Baptista Ouédraogo 1982 • Thomas Sankara 1983 • Blasius Compaoré 1987 • Iacobus Isaac Zida 2014 • Michael Kafando 2014 • Gilbertus Diendéré 2015 • Michael Kafando 2015 • Rochus Kaboré 2015 • Paulus Henricus Sandaogo Damiba 2022 • Ibraimus Traoré 2022 Capsae cognatae: Primi ministri Burkina Faso • Ministri rerum externarum Burkinaenses | |