Hiragana
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
El Hiragana es uno de los dos silabarios kulaneados en la eskritura japoneza; el otro es yamado katakana. Endemas, el biervo hiragana es uzado para yamar kualunke karakter de este silabario.
Orijin
[trocar | trocar el manadero]El hiragana tiene su orijin en la simplifikazion de karakteres mas kompleksos de orijin kinezo ke yegaron antes del empesijo de la serradura kulturala japoneza, la kuala no eskapo fina los ultimos anyos de la Era Edo. Es konosido por tener formas kon kurvas basikas. El hiragana, antes yamado (女手) (onnade, "mano de mujer") fue inventado por mujeres, una versiyon mas ermoza ke las formas rektas katakana; estas dos formas de eskritura se desveloparon del sistem antiko japonezo Man'yōgana, el kualo krio el hentaigana, del kualo nasio el hiragana. La primera vez ke hiragana fue uzado en un livro eskrito por un hombre fue el Diario de Tosa, de Ki no Tsurayuki. Ma afilu el izo kreyer ke era una mujer ke yorava la muerte de su ija, deke los ombres tenian defendido kulanear hiragana.
Kuando se avla de hiragana i katakana endjuntamente, son yamados kana. Estos sistems son diferentes de los kanji deke no tienen dingun valor de konsepto, ma unikamente fonetiko.
Karakteres
[trocar | trocar el manadero]El silabario hiragana tiene 46 karakteres en total, de los kualos 40 representan silabas formadas por una konsonante i una vokal, 5 son unikas vokales (a, i, u, e, o), i la unika konsonante ke puede ir sola es la 'n' (ん en hiragana y ン en katakana).[aklaro nesesario]
Este silabario es kulaneado en la eskritura de biervos japonezos; por kontro, katakana es kulaneado para biervos de otras linguas i onomatopeyas. Por esto, hiragana es el primer sistem de eskritura ke ambezan las kriaturas en Japon. Kuando se van ambezando los kanji, los elevos van trokando los kakatana i hiragana por las letras kinezas.[aklaro nesesario]
Este artikolo es endagora, muy chiko. Muchiguando su kontenido vas ayudar a amijorar la Vikipedya.
Puedes kitar ayudo kon las vikipedyas en otras linguas.