Client-Server-Modell

En Diagramm vun engem Computernetzwierk (inklusiv mobil Apparater) vu Clients, déi mat engem Server iwwer Internet kommunizéieren. Souwuel d'Clients wéi och de Server si Kniet (Kommunikatiounspunkten) an deem Netzwierk. D'Organisatioun vun de Kniet am Netzwierk heescht Netzwierktopologie.

De Client-Server-Modell ass e Modell aus der Informatik a beschreift d'Méiglechkeet, Aufgaben an Déngschter an engem Computernetzwierk ze verdeelen. Déi Aufgabe gi vu Computerprogrammer gemaach, déi a Clients an a Serveren ënnedeelt sinn.

De Client kann op Wonsch en Déngscht vum Server ufuerderen. Der Server (oder ""Host") äntwert op déi Ufuerderung. De Server kann um selwechte Computer sinn, mee ass dacks op engem anere Computer am selwechten Netzwierk.

Generell kann ee Server fir méi wéi ee Client gläichzäiteg schaffen, an e Client ka mat méi wéi engem Server kommunizéieren.