John Scheid

John Scheid
John Scheid
Gebuer	31. Mee 1946; Lëtzebuerg
Nationalitéit	Frankräich
Educatioun	Athénée de Luxembourg
Aktivitéit	Archeolog, Universitéitsprofesser
Member vun	Academia Europaea

Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

De John Scheid, gebuer den 31. Mee 1946 an der Stad Lëtzebuerg, ass e franséischen Historiker an Archeolog mat lëtzebuergeschen Originnen.

De John Scheid, deen 1973 déi franséisch Nationalitéit ugeholl huet, ass Fuerscher am Beräich vun der anticker Réimescher Relioun a war tëscht 2001 an 2016 Professer am Collège de France zu Paräis.

Hien ass Member vum lëtzebuergesche Conseil supérieur de la recherche scientifique an zanter 2016 Membre correspondant vun der Section des Sciences morales et politiques vum Institut grand-ducal.

Den 9. Dezember 2016 gouf de John Scheid als Member vun der Académie des inscriptions et belles-lettres, en Deel vum Institut de France, gewielt.

Hien ass, ënner anerem, Chevalier de l'Ordre de la Légion d'Honneur.

Formatioun

1958-1965: Secondaire an der École apostolique vun den Häerz-Jesu-Pateren zu Clairefontaine. De Premièresexamen huet hien am Kolléisch ofgeluecht (section A, gréco-latine).
1965-1969: Universitéitsstudien zu Lëtzebuerg (Cours supérieurs), Stroossbuerg a Paräis.
1972: Doctorat de 3e cycle, Universitéit Stroossbuerg
1973: Agrégation de grammaire.
1987: Docteur d'État, Universitéit Stroossbuerg II.

Karriär

1974-1977: Member vun der École française de Rome.
1975-1988, 1997-1998: Direkter vum archeologesche Schantje La Magliana zu Roum.
1977-1983: Assistent am Fach Réimesch Geschicht op der Universitéit vu Lille III.
Vun 1983 un: Directeur d'études op der École pratique des hautes études, section des sciences religieuses (« Religions de Rome »).
1991: Korrespondéierende Member vum Däitschen archeologeschen Institut.
2001-2016: Professer am Collège de France.
2016: Korrespondéierende Member vun der Section des Sciences morales et politiques vum Institut grand-ducal.
Dezember 2016: zum Member vun der Académie des Inscriptions et Belles-Lettres gewielt (dat ass eng vun de 5 Akademien, déi zesummen den Institut de France bilden).

Publikatiounen

À Rome sur les pas de Plutarque ; Paräis (La librairie Vuibert), 2012; 171 S. (ill.). ISBN 978-2-311-00106-8
« Une religion antique comme les autres » - La religion étrusque, un système spécifique et un peu mystérieux? Ce mythe antique remonte à Cicéron; in: L'Histoire, Nr. 370; [Paräis] Dezember 2011; Ss. 50-55 (ill.). = Ee Gespréich mat der Mme Juliette Rigondet, "cheffe de rubrique".
Religion et pouvoir à Rome; Paräis (Bayard), 2011.
Quand faire, c'est croire. Les rites sacrificiels des Romains; Paräis (Aubier), 2010.
Religion, institutions et société de la Rome antique - Leçon inaugurale (7 février 2002) au Collège de France; erausgi vum Collège de France, beim Verlag Fayard, Paräis, 2003; 61 Säiten.
La religion des Romains ; Paräis, Verlag A. Colin-Masson, 1998.
Romulus et ses frères - Le collège des Frères Arvales, modèle du culte public dans la Rome des empereurs ; Roum, 1990.
Religion et piété à Rome ; Paräis, 1985.
(zesumme mam François Jacques) Rome et l'intégration de l'Empire (44 av. J.-C. - 260 ap. J.-C.) - Tome 1: Les structures de l'empire romain ; Paräis, PUF / 'Presses universitaires de France', 'Collection Nouvelle Clio - l'histoire et ses problèmes', 2010 (= 7. Ausgab; 1. Ausgab <= 1990); 412 Säiten. ISBN 978-2-13-058247-2
(zesumme mam Roger Hanoun) Nos ancêtres les Romains ; Band 259 vun der Collection Découvertes Gallimard, Gallimard, Paräis, 1995.
La gouvernance dans la Rome antique, une leçon pour la construction européenne; in: Institut grand-ducal - Actes de la Section des Sciences morales et politiques; Luxembourg 2017; pp. 11–32 (Text vun der Communicatioun vum 23. Februar 2016 + Diskussioun).

Literatur

Noyer, Catherine, Luxemburger Professor - Wissenschaft aus Leidenschaft; in: Télécran 14/2003, Ss. 42-44.
Muller, J.-C., Histoire(s)...de Luxembourgeois professeurs au Collège de France - De Barthélemy Latomus à John Scheid (...); in: Le Quotidien Dimanche, Ausgab vum 17. Februar 2002; S. 12 (ill.).
Moyse, Laurent, John Scheid, spécialiste de la Rome antique et de la religion romaine: plaidoyer pour l'altérité, Luxemburger Wort 2013, Nr. 186 (10. August), S. 9.