Lunasa

Lunasa es un festa celtica selebrada en partes de Er, Scotland, e la isola de Man, marcante la comensa de la saison de recolie. Istorial, lo ia es selebrada a 1 agosto, o sirca a la media entre la solstisio de estate e la ecuinote de autono. En la sentenios resente, algas ia move la festa a la soldi la plu prosima a esta data. Lunasa es un de la cuatro festas de la anio, con Samhain, Imbolc, e Bealtaine. Lo coresponde a otra festas de recolie en Europa, como la Gwul Awst en Cimri, e Lammas en [England]].

Un vista de la campania de Er Norde

Lunasa (orijinal eres: Lughnasadh) es notada en alga de la leteratur eres la plu temprana, e el ave orijinas pagan. La festa es nomida per la dio Lugh. Lo inclui congregas grande con rituos relijiosa, contestas atletal, bancetas, ordinas de prometes, e comersia. On ave ance visitas a posos santa. Seguente folcloristes, la rituos incluida un ofre de la "frutas prima", un banceta de comedas nova e vasinias blu, la sacrifia de un bove, e un presenta teatral con dansa en cual Lugh saisa la recolie per umania e defeta la potias de clorose. Multe de la ativias ia aveni a la culmina de colinas e montes.