Ahmed Shawqi
Ahmed Shawqi (1868-1932) ia es un poesiste e dramiste misri, ci ia introdui la epicas poesial en la leteratur arabi.[1]
Vive
[edita | edita la fonte]El ia nase en un familia con radises curdi, circassian e elinica de sua padre e la radises misri de sua madre. Sua familia ia ave lias en la corte de la visre de Misre. A pos sua gradua de liseo, el ia vade a la scola de leges, oteninte un grado en tradui. Shawqi ia reseta un ofre de labora en la corte de la visre Abbas 2, ci ia es la visre de Misre. El ia aseta acel labora.
A pos un anio laborante en la corte de la visre, Shawqi ia es enviada a continua su studias de lege en la universias de Montpellier e Paris per tre anios. En cuando en Frans, el ia es multe influeda par la obras de la autores teatral, xef Molière e Racine. El ia reveni a Misre en 1894, ia resta un membro importante de la cultur leteratural arabi asta ce la brites ia forsa sua esclui en Andalusia en 1914. Shawqi ia resta ala asta 1920, cuando el ia reveni a Misre. En 1927 el ia es reconoseda como Amir al-Sho'araa' (la prinse de la poesistes) par sua contribuis a la leteratur.
El ia vive sirca la palasio de la visre Abbas 2 en Saray El-Qobba asta sua esclui. A pos sua reveni, el ia construi un casa nova en Giza, cual a pos sua mori ia deveni sua museo.
Lega
[edita | edita la fonte]La labora de Shawqi pote es categorida en tre periodos xef en sua carera. La prima coaveni con la periodo en la cual el ia ave un ofisia en la corte de Khedive. La du inclui sua escluida en Espania. En esta periodo sua senti de nostaljia e de aliena ia dirije sua capasia poesia a la poesias patriota en Misre como ance la arabi. La parte tre ia aveni a pos sua reveni de la escluida, en la periodo en cual ia deveni consernada con la istoria de Egipte antica e islam. En esta periodo el ia scrive sua poesias relijial, lodante la profeta muslim Muhammad.
Presentas teatral
[edita | edita la fonte]
Shawqi ia es la prima en scrive dramas poesial en la leteratur arabi moderna. El ia scrive sinco trajedias:
- Majnun Laila
- La mori de Cleopatra
- 'Antara
- Ali bek el-Kabeer
- Qambeez (Cambise 2), 1931
e du comedias:
- Es-Set Huda
- El-Bakhila
en ajunta a la obra en prosa: "laprinsesa de Andalusia".
Poesia
[edita | edita la fonte]- Esh-Shawqiyyat, sua obras eljeda, en cuatro volumes,
- La Statos de la arabis e la Grande omes de islam, un poesia longa sur la istoria de islam.
- Naras poesias per enfantes, inspirada par la scrivor de fables Jean de La Fontaine.
Prosa
[edita | edita la fonte]El ia scrive capitulos de prosa, colieda su la nom de La mercatos de oro.
Referes
[edita | edita la fonte]- Glimpses of Ahmed Shawqi’s Life and Works, Egypt Magazine, Issue No. 19-Fall 1999.
- Esat Ayyıldız, “Ahmet Şevki’nin Mısır İstiklalinin Müdafaası İçin Sömürge Yöneticisine Hitaben Nazmettiği Lâmiyye’sinin Tahlili”, Arap Edebiyatında Vatan ve Bağımsızlık Mücadelesi, ed. Ahmet Hamdi Can – İhsan Doğru (Ankara: Nobel Bilimsel Eserler, 2021), 1-26.
Lias esterna
[edita | edita la fonte]- ↑ Esat Ayyıldız, “Ahmet Şevki’nin Mısır İstiklalinin Müdafaası İçin Sömürge Yöneticisine Hitaben Nazmettiği Lâmiyye’sinin Tahlili”, Arap Edebiyatında Vatan ve Bağımsızlık Mücadelesi, ed. Ahmet Hamdi Can – İhsan Doğru (Ankara: Nobel Bilimsel Eserler, 2021), 1-26.