Theodor Mommsen
Theodor Mommsen (1817–1903) ia es un istoriste deutx e un spesialiste en istoria roman, un de la istoristes deutx la plu influosa de la sentenio 19. Mommsen ia nase en Garding, Schleswig. El ia servi como profesor en universias famosa. Ocupante la posto de xef en istoria antica en Universia de Berlin, el ia edita la colie gloriosa de enscrives latina Corpus Inscriptionum Latinarum.
Mommsen ia es bon conoseda per un serie de obras sur istoria e enscrives de estende vasta e capasia astuta.
Mommsen ia gania la premio Nobel de leteratur en 1902, per es "la mestre la plu grande vivente de la arte de scrive istorial", con refere spesial a sua obra la plu grande Istoria roman, cual on regarda como un de la istorias la plu profesal scriveda a cualce tempo.
| Cuando la om no plu trova plaser en sua labora e labora sola per ateni la plu pronto sua plaseres, alora lo va es sola fortuna ce el no deveni un criminor. |
