Heraldiek
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Heraldiek is de artistieke traditie roontelum teikes op waopesjèlder, zoewie de studie daovaan. In versjèllende culture bestoont 't gebruuk um oondersjeiende teikes op waopes aon te bringe, um de partije in 't strijdgeweuls oeterein te hawwe. Veural in de Westerse wereld leep dit gebruuk, oontstande oet veural praktische reies, oet op 'n echte kunsvörm. Zoe roond 1100 woort 't, es ierste in Fraankriek meh al hiel gaw in aonligkende len, gewoente um oetgebreide waopes te hantere, opgebouwd oet standaardeleminte wie bieste (liewe, adelere, peerd etc.), standaardverdeilinge (gedeild, doorsnoje, geverendeild, sjuinsbalk, sjèldhoof etc.) en 'n bijbehurende etiquèt (regels mèt kleure, meh ouch welke voors welk waope moch drage). Laankzaamaon woorte waopes neet (allein) geassocieerd mèt edele, meh ummer mie ouch mèt 't gebeed wat ze bestuurde. Ouch naotot de fedaol sameleving oplosde, bleef 't gebruuk vaan heraldiek euverind. Len, meh ouch provincies, stei en gemeintes drage in Europa es regel e waope, dewijl dit ouch in de res vaan de wereld dèks 't geval is. Ouch femiliewaopes kaome nog väöl veur en weure dèks gekoesterd.
Heraldiek is verneump nao d'n herald (of héraut), dee in de Middeliewe in Europa verantweurdelek waor veur 't nuits verspreie (veural 't nuits euver oorloge) en door zien kènnis vaan veldslage ouch väöl wis euver waopes.
Dit artikel is e sjtumpke. De kans Wikipedia helpe door 't aan te völle