Thailand

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

Thailand
Basisgegaevens
Officieel taal	Thai
Huidsjtad	Bangkok
Sjtaotsvörm	Keuninkriek
Sjtaotshoof	Rama IX (sins 1946)
premier	Prayut Chan-o-cha
[[{{{titelhoofregering1}}}]]	{{{naomhoofregering1}}}
[[{{{titelhoofregering2}}}]]	{{{naomhoofregering2}}}
[[{{{titelhoofregering3}}}]]	{{{naomhoofregering3}}}
Religie	{{{religie}}}
Opperflaakde – % water	513.115 km² 0,4%
Inwoeners – Deechde:	63.038.247 (december 2007) 122/km²
Biekómmende gegaeves
Munteinheid	Baht (THB)
Tiedzaone	UTC +7
Nationale fiesdaag	5 december
Vouksleed	Phleng Chat
Web | Code | Tel.	.th | THA | +66

Thailand (Prathet Thai, ราชอาณาจักรไทย) ies e land in Zuudoas-Azië. 't Grens aan Laos, Cambodja, Myanmar, Maleisië en aan de Andamanse Ziè en de Golf van Thailand. Thailand ies e keuninkriek. Me neump Thailand ouch waal Siam, wat tot 1949 ouch de officiële naam waor.

Bestuurleke indeiling

Thailand ies ónderverdeild in 76 changwats (provincies). Dees zint weer ónderverdeild in 795 Amphoe (distrikte), 81 King Amphoe (sub-distrikte) en 50 distrikte van Bangkok (khet). De sub-distrikte zint ónderverdeild in 7254 "gemeintes" (Tambon), die weer ónderverdeild zint in 69.307 dörper (moo baan).

Tale

De officieel taal ies 't Thai, de modertaal van óngevaer 90% van de bevolking. Neve 't officieel sjtandaard-Thai besjtoont nog väöl dialekte. 't Thai weurt gesjreve in 'n eige alfabet.

Historie

De gesjiedenis van Thailand begint mèt 't keuninkriek Sukhothai in 1238. In 't miedde van de 14e ièw ontsjtong 't groater keuninkriek Ayutthaya.

Thailand ies 't enige land in Zuudoas-Azië dat neet door 'n Europees land gekoloniseerd woort.

In 1932 waor d'r ein tamelijk geweldloos sjtaatsgreep woadoor 't land veranderde van 'n absolute monarchie in 'n parlementair monarchie. In 1939 veranderde me de naam van Siam in Thailand; dit woort definitief in 1949, naodat 't land nao de Twiède Waereldoorlog ziene ouwe naam houw gedrage. In de Twiède Waereldoorlog moos 't land ónder druk van Japan 'n verdraag sjlete mèt dat land. In 1942 en 1943 woort de Doajesjpoorlien aangelag (bekènd van de Brök euver de rivier de Kwai). Deze sjpoorlien woort in opdrach van Japan aangelag. Bie de boew sjtorve óngevaer 100.000 Thaise en Indonesische arbeidersj en óngevaer 16.000 westerse kriegsgevangene.

Saer 1946 ies Rama IX keuning. Vanaaf de jaore 80 haet Thailand ziech tot 'n democratie óntwiekkeld.

Op 26 december 2004 woort de weskus van Thailand getroffe door 'ne tsunami, naodat 'n zièbeving in de Indische Oceaan houw plaatsjgevonge. Hiebie vele in Thailand miè es 4000 doaje.

Link

Thailand info