Ukkel
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Ukkel (Frans: Uccle) ies 'n gemeinte in 't Brussels Hoofsjtaejelik Gewes. De gemeinte liek ten zuje van Brussel-centrum. Ze haet 'n oppervlak van 22,91 km², 't aantal inweunersj ies 75.169 (1 juli 2005). Ukkel ies nao Brussel de groatste gemeinte in oppervlakte van 't gewes, nao aantal inweunersj sjteit 't op de veerde plaats.
Functies
[bewirk | brón bewèrke]Ukkel ies veural 'n woongemeinte, mèt hoofzakelik residentieel wieke. De landboew waor vreuger e belangriek besjtaonsmieddel, meh tegewoordig ies de deenstesector 't belangrieks. Dao ies ouch get industrie, woa-ónder electronica. In Ukkel zint 't Koninklijk Meteorologisch Instituut (KMI) mèt de keuninklike sjterrewach van Belsj en 't Belgisch Instituut voor Ruimte-Aëronomie (BIRA) gevestig.
Aanziech van de gemeinte en bezeenswaerdighede
[bewirk | brón bewèrke]
'n Deil van 't Zoniënwoud liek op 't gróndgebeed van Ukkel. Dao zint väöl villawieke, en ouch e paar buurte mèt 'n volkser karakter, wie Sint-Job en Calevoet.
De Sint-Pieterskèrk, in de ouw dörpskern, ies geboewd in classicistische sjtiel. De kapel van Onze-Lieve-Vrouw-ter-Nood van Stalle ies gotisch. D'n arsjitek Henry Van de Velde boewde in Ukkel veur ziechzelf de Villa Bloemenwerf (cottagesjtiel- art nouveau). Villa van Buuren (1928) mèt 'n interieur in art deco en 'n sjileriejecollectie ies noe 'n museum. In Sint-Job liek 'n Russisch-orthodoxe kèrk. In 't Wolvendaalpark (18 ha) liek 'n paviljoen in Lowie XV-sjtiel.
Historie
[bewirk | brón bewèrke]De gemeinte Ukkel óntsjtóng in 1795, wie Ukkel mèt de liènrechte Carloo en Stalle woort samegevoog. Rónd 1900 waor 't groatste deil van Ukkel nog landelik en Nederlandstalig. Wie Ukkel ummer miè 'n ónderdeil woort van de agglomeratie Brussel greujde de bevolking explosief en verfransde de plaats.
Gebore in Ukkel
[bewirk | brón bewèrke]- Olivier Strebelle (1927), beeldhouwer
- Geert van Istendael (1947), sjriever
- Axel Merckx (1972), fietsrenner
- Mathilde d'Udekem d'Acoz (1973), prinses van Belsj
