Achi (spraok)
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
't Achi is 'n Mayaspraok die gekaldj wuuertj in Guatemala, in 't centraal Rabinal-gebied en 't wèste van 't departement Baja Verapaz. De spraok wuuertj gekaldj door zoea 85.600 luuj. 't Achi haet de ISO 639-3 code acr.
't Guuef twieë dialekte: Cubulco Achi en Rabinal Achi. De waordvolgorde is SOV en me sjrief in 't Letiens sjrif. 't Achi wuuertj gekaldj door luuj van alle laeftieje en wersjienlik kan róndje 20% vanne spraekers baeter Spaans kallen es slechs daachelikse gesprekskes.
De graod van gelitterdjheid inne ieëste spraok is 15% toet 20%; inne twieëdje spraok is det 2% toet 40$. De graod van gelitterdjheid inne twieëdje spraok is 11% in Cubulco Achi; in Rabinal Achi is det 25% toet 40%. Veure ieëste spraok is det 1% toet 5% in 't Cubulco Achi en 15% toet 20% in 't Rabinal Achi. De spraok wuuertj óngerwezen oppe lieëgere sjoeal. 't Guuef radiopergrams, e waordebook, 'ne grammair en 't Nuuj Testament (euvergezatj tösse de jaore 1984 en 2009).
De spraokstatus veur dees spraok is óntwikkelendj (5); det beteikentj det de spraok laevetig is en det litteratuur in 'n gestanderdiseerdje vorm gebroek wuuertj door sómmige, meh det is nag neet wiedversprèdj of haadbaar.
Classificatie
[bewirk | brón bewèrke]- Maya
- Yucateeks-Kern Maya
- K'icheaans-Mams
- K'icheaans
- Pogom-K'icheaans
- Kern K'icheaans
- Pogom-K'icheaans
- K'icheaans
- K'icheaans-Mams
- Yucateeks-Kern Maya