Constantijn Huygens

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.

---

Constantijn Huygens, gesjilderd door Jan Lievens.

Constantijn Huygens (D'n Haag, 4 september 1596 – aldao, 28 meert 1687) waas 'ne Nederlandjsen dichter, diplomaat, geleerde, componis en arsjitek.

Huygens sjteit bekind es eine van de grootste dichters oet de Gouwje Eew. Hae waas ouch secretair van twee prinse van Oranje: Frederik Hendrik en Wullem II. In Veurburg leet t'r 't nog ummer besjtaond boete Hofwijck boewe, bedoeld veur ef bie te kinne kómme van de Haagse politiek.

Huygens besjpeelde versjillende meziekinstrumente (luit, gitaar, viola da gamba en klavecimbel) woveur d'r e groot aantal wirke sjreef. Meziek vónj d'r belangriekers es zien litterkundige wirke, die d'r nao zelfzegke in ziene minne vriejen tied sjreef.

Constantijn Huygens waas de vader van de sjtaotsman en netuurkundige Constantijn Huygens jr. en de bekinde netuur- en wiskundige Christiaan Huygens. Hae deilt 't graaf mit ziene zoon Christiaan in de Grote Kèrk van D'n Haag.

Nao dezen Huygens is de literair pries geneump, de Constantijn Huygenspries.