Ech

Dit artikel is gesjreve (of begós) in 't Echters. Laes hie wie v'r mit de versjillende saorte Limburgs ómgaon.

---

Ech (Echt) Gewaeze gemeinte in Nederlandj
{{{locatie}}}
Gevörmp	veur 1343
Opgehaeve	2003
Opgegange in	Ech-Zöstere
Provincie	Nederlands Limbörg
Hoofplaats	Ech
Opperflaakde (bie opluffing)	75,13 km²
– daovan water:	? km²
Inwoeners (kort veur opluffing)	ca. 19.300 (2003)
– deechde:	ca. 257/km²
Lies van börgemeisters

Landikskèrk in Ech

Ech (Nederlands: Echt) is 'n klein sjtad in de Nederlands-Limburgse gemeindje Ech-Zöstere. Ech is de hoofplaats en mit óngevieër 7.500 inwoners ouch de groatste plaats van Ech-Zöstere. De plaats en alle kerne höbbe 'n plaatsnaambord in 't Limburgs. 't Kerngebied bedreug 75,13 km². 't Haet 'n tertiair verzörgingsfunctie, mit versjillendje òngerwies- en winkelfuncties. Petroanheilege is Sint-Landricus.

Aanzich

Belangriek monument is de Sint-Landricuskirk (kiek hienaeve), 'n vieftieënde-ieëwse hallekirk die in 1871 en 1872 werdje oetgebouwd in neogotische stiel door Pierre Cuypers. De biejbehuuerendje tore woor in d'n Twieëde Wereldoorlog zwaor besjadigdj en de spits is nao d'n oorlog in conventioneel moderne stiel weer opgeboewdj. Wujer kèntj de sjtad ouch ein Karmelitessekloeaster oet 1879, wovan de kapel ouch door Cuypers óntworpe is.

Historie

Ech weurtj, nag es dörp meh mit 'n eige sjepebank, in 1259 veur 't ieës vermeldj. Ech kreeg wersjienlik in de veertieëndje ieëw sjtadsrechte van de graaf van Gelder; in 1343 weurtj 't es 'sjtad' geneump. Nao d'n Tachetigjäörigen Oorlog bleef 't in de Sjpaanse, later Oasteriekse, Nederlenj ligke, toet 't mit de Vrei van Utrech in 1713 same mit Venlo aan de Republiek van de Zeve Vereinigdje Nederlenj waor euvergedrage. 't Awd sjtadsgebied Ech waerdje bie de sjtichting van 't Keuninkriek Nederlandj in 1815, es gemeindje gehandjhaaf: de dörper De Boesj (Koningsbosch), D'n Deelgaard (Maria-Hoop), Pej, Sjaelberg,'t Hènge en Sint-Joeas waerdje gein apaarte gemeindjes. In 2003 fuseerdje Ech mit de gemeindje Zöstere toet Ech-Zöstere.

Historische inwoanersaantale

Jaor Aantal Greuj (gans Limburg) 1830 3.210 -- 1840 3.584 +11,7% (+5,6%) 1849 3.687 +2,9% (+4,3%) 1859 3.906 +5,9% (+4,4%) 1869 4.188 +7,2% (+4,5%) 1879 4.611 +10,1% (+7,0%) 1889 4.909 +6,5% (+6,8%) 1899 5.531 +12,7% (+10,2%)

Jaor Aantal Greuj (gans Limburg) 1909 6.662 +20,4% (+17,8%) 1920 8.089 +21,4% (+32,6%) 1930 9.425 +16,5% (+15,1%) 1947 12.068 +28,0% (+24,2%) 1956 14.270 +18,2% (+27,3%) 1960 14.845 +4,0% (7,4%) 1971 16.095 +8,4% (+13,9%)

Opmirking

• De gemeindje Ech ómvadje naeve de sjtad Ech ouch de plaatse De Boesj, D'n Deelgaard, Pej, Sint-Joeas (deils) en alle buurtsjappe die ónger die plaatse vele. Allewaal det neet alle plaatse al vanaaf 1817 besjtinge, is 't gróndjgebeed toet aan de ophuffing vanne gemeindje neet neumeswaerdig verangerdj.
• De bevolkingsaantalle veur 1971 zeen op ganse vieftalle aafgeróndj.

Rillatief óntwikkeling van 1830 tot 1971

(v₁₈₃₀=100)

Greun: Gemeindje Ech
Blauw: Provincie Limburg

Insignes

't Waope van Ech in de vorm wie de gemeindje 't de lèste jaore droog leet zich zoa ómsjrieve:

In keel (road) e sjuunskruuts van zilver (wit), vergezèldj van twellef herkruutsdje kruutskes van goud (gael), in ederen hook drie. 't Sjèldj gedèk mit 'ne gouwje kroan mit drie blajer en twieë paorele.

Dit waope droog de sjtad al ieëwe, in de vorm van e zegel; dit zegel weurtj al in 1259 geneump en 't awdste bewaardj exemplaar hingk aan 'n akte oet 1277. De gemeindje Ech waerdje op 30 juli 1887 bevèstig in 't gebroek van 't waope. De kroan, in modern tieje e gebroekelik attribuut bie gemeindjewaopes, waerdje toegeveug op 25 augustus 1998.

Me vindj 't waope van Ech trök in de waopes van Brach (zoawaal de gemeindje van veur es van nao 1991).

De vlag van Ech is van 't waope aafgeleidj.

Gebaoren in Ech

• Maud Hawinkels, presentatrice
• Paul Rutten (1958), socioloog
• H. Welters, (1839 -1887), sjriever

Vereiniginge

• Sjötterie Sint Antonius