Leusden

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan Leusden in Utrei

Leusden is e versteidelek dörp en gemeinte in de Nederlandse provincie Utrei. 't Oppervlak besleit 62,02 km², boevaan 0,34 km² water; 't inwoeneraontal is 28.832 per 1 januari 2006. De gemeinte Leusden umvat de plaotse Achterveld, Leusden(-Centrum), Leusden-Zuid en Stoutenburg. Leusde ligk zjus t'n ooste vaan d'n Utreise Heuvelrögk en ten zuie vaan Amersfoort, boe 't 'n veurstad vaan gewore is.

De naom Leusden wijs op Keltische herkoms - cognaote zien oonder mie Lesdain en Lesdins ('t ierste in 't Belsj en Fraankriek, 't twiede in Fraankriek) - en dus op hoeg awwerdóm. In 777 weurt de plaots veur 't iers geneump, es Lisiduna. Vreuger hètde allein de hierlekheid Leusden en hètde 't dörp Leusbroek (Leusden-Zuid hètde Hamersveld). Pas nao d'n oorlog zien dees plaotse umgeduip. In 1969 woort de gemeinte Stoutenburg aon Leusden touwgeveug.

Foto's

• 
  Résterang Rosbeijer
• 
  Kooikersgracht in 't centrum vaan Leusden
• 
  Winkelcentróm in 't centrum
• 
  Eysinkplaats

Externe link

• Website vaan de gemeinte