Tsen Koa Pai

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.

Tsen Koa Pai (baeter bekind as Pienda Wullem; * 13 juni 1892 - † 3 augustus 1965) waas 'ne Chinees-Limburgse handelaer en bekinde stadsfiguur oet Venlo. Waarschienlik woeënde hae al in de vreuge dertiger jaore in de gemeinte Blierik, wao in 1932 'ne man woort veroordeild veur 't mishandele van Pai. Op 25 fibberwarie 1937 vestigde hae zich in Venlo dao handelde hae op de mert in Sjinees aerdewerk en oeësterse kledjes. Wie d'n Twieëde Waereldoorlog oetbrook en schaarste óntstónd, verlag hae zienen handel nao sloek, sjoklaad en gebrande aolieneutjes en zoeë zoel hae aan zienen beejnaam zien gekómme. Mit ziene groeëte draagbak veur d'n boek, zien Aziatische oeterlik, gedronge postuur en zien joeksige karakter waas Tsen Koa Pai 'n opvallende verschiening in de Venlose straote.

In 1963 verleet hae Venlo um in Elberfeld beej Wuppertal te woeëne, wao hae in 1965 euverleej.

Um de stadsfiguur te ieëre zal op de Joedestraot 'n beeldje van 'm waere ónthöld. 't Alde beeldje van bróns woort in 2016 gestaole en umgesmólte.

Brónne

Trivia

Pinda Wullem is ouk de naam 'n parodiekwartet oet Venlo.