Woordebook van de Limburgse Dialekte
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
't Woordebook van de Limburgse dialekte (WLD) ies 'n verzameling van 34 beuk, woa-in volges thema alle weurd zin bie-eingebrach van Nederlands Limburg en Belsj Limburg.
Gesjiedenis
[bewirk | brón bewèrke]In 1962 woort door mètwèrkersj van de Katholieke Universiteit Nijmegen, later de Radboud Universiteit Nijmegen, begoes mèt 'n sjtudie euver de Limburgse dialekte. Vraogelieste ginge door Nederlands en Belsj Limburg nao tièntalle dialeksjprekersj. Zoa verzamelde me 't materiaal veur 't Woordebook van de Limburgse dialekte, dat vervolges door de Radboutuniversiteit i.s.m. de Katholieke Universiteit Leuven woort verwèrk. In 1982 sjtarde de oetgaaf van dit thematisch woordebook en op 19 juni 2008 waor de oetgaaf compleet. Dao zint van 't WLD 34 beuk versjene mèt de volgende thema's:
Drie deile
[bewirk | brón bewèrke]'t Woordebook van de Limburgse dialekte besjteit oet drie deile:
- deil 1 besjteit oet de agrarische terminologie
- deil 2 besjteit oet neet-agrarische vakterminologieë
- deil 3 besjteit oet 'n algemein lexicon.
De deile zint gesjpliets in aafzónderlike aafleveringe.
Deil 1
[bewirk | brón bewèrke]deil 1 besjteit oet de agrarische terminologie met de volgende aafleveringe:
- 'n Inleiding, 't bemèste en ploge
- Ègke en sjleipe
- Weieteelt
- Teelt van grane
- 't Verboewe van knol- en ander gewasse
- de Haof en bedriefsgeboewe
- 't Land algemein
- 't Paerd,
- Getuug van 't paerd
- Rundviè
- Kleinviè en pluumviè
- Landboewgevaers (voertuigen)
Deil 2
[bewirk | brón bewèrke]deil 2 besjteit oet neet-agrarische vakterminologieë:
- Hoessjlechter en bekker
- Beerbroewer en sjroapsjtoker
- Meulenaer
- Turfsjteker en ertsóntginner
- Mienwèrker of koempel
- Imker, sjtruè en buntgraasvlechter
- Sjnieder (kleiermeker), niejaersj (nièjster), handsjpinner, handwever, touwsjlaeger, mötsjemeekster,
- Pottebekker, sjteinbekker, pannebekker, gresbuusindustrie
- Metselaer, tummerman, daakdèkker, loadgeter (pómpemeker), plekker (sjtucadoor), sjilder
- Sjoester, zaalmeker/gareelmeker
- Sjmeed, pómpemeker, kopersjlaeger
- Houtzaeger, tummerman, meubelmeker, raad- en wagemeker, kuper, klómpemeker, mangelevlechter.
deil3
[bewirk | brón bewèrke]deil 3 besjteit oet algemein lexicon:
- 't Miensjelik lief (lichaam)
- Bewaeging en gezóndheid
- Kleier
- Hoes en weuning
- Familie en seksualiteit
- Ete en drinke
- Fauna: veugel
- Fauna: euverige dere
- Flora
- De waereld