cochlea-implantat – Lille norske leksikon

Cochlea-implantatet er ganske avansert og består av fleire delar. Nokre delar er usynlege, fordi dei blir opererte på innsida av huda på hovudet. Andre delar ligg utanpå hovudet og er synlege.

Fotografi av kvinne med cochlea-impantat

Av Zsolt Biczo/Shutterstock.

Lisens: Avgrensa gjenbruk

Cochlea-implantat er eit hjelpemiddel som gjer at personar med høyrselshemming kan oppfatte lyd. Apparatet gir ein slags kunstig høyrsel.

Det er stort sett personar som ikkje oppfattar noko lyd gjennom vanleg høyreapparat, som kan få cochlea-implantat.

Cochlea-implantatet er ganske avansert og består av fleire delar. Nokre delar er usynlege, fordi dei blir opererte på innsida av huda på hovudet. Andre delar ligg utanpå hovudet og er synlege.

Slik verkar det

Ein mikrofon tek opp lyden.
Lyden blir analysert, sortert og send til den delen av øyret som blir kalla sniglehuset. På latin heiter delen cochlea.
Frå sniglehuset blir lydsignala sendt til hjernen.
I hjernen blir lydane tolka, så personen kan oppfatte og forstå lydane.

Høyreapparat og cochlea-implantat

Det er fleire skilnader mellom eit vanleg høyreapparat og eit cochlea-implantat:

Eit vanleg høyreapparat blir festa utanpå øyret. Delar av cochlea-implantatet må opererast inn under huda.
Eit vanleg høyreapparat er ein slags høgtalar. Eit cochlea-implantat gjer ikkje lyden sterkare til øyret, men sender lydsignala rett til hjernen. Då kan dei som ikkje greier å oppfatte lyd med øyra, likevel oppfatte lyd ved hjelp av cochlea-implantatet.

Les meir i Vesle norske leksikon

Faktasjekk av

Per Holck

Professor emeritus, dr. med., Universitetet i Oslo