Friluftsliv er å vere ute i naturen. I Noreg er mange er opptekne av friluftsliv. Det er vanleg å vere mykje ute i naturen heile året.
Folk driv med friluftsliv av ulike grunnar. Det kan vere å oppleve naturen, trene, oppleve noko spennande eller fordi det er ein fin måte å vere saman med venner eller dyr på.
Til nokre typar friluftsliv treng ein utstyr. Nokre aktiviteter må ein òg øve på. Om ein vil gå på ski, for eksempel, treng ein ski, skisko og stavar som passar. I tillegg tek det litt tid å lære seg korleis ein beveger seg framover.
Klatring i fjellet og kajakk-padling er eksempel på andre aktivitetar som ein treng utstyr for å drive med.
Dersom ein vil overnatte ute, er det vanleg å bruke telt eller hengjekøye. Det finst klede og utstyr til å vere ute i ulik type vêr. Mange stader i Noreg kan ein leige eller låne klede og utstyr.
Noreg har reglar som gjere at alle kan vere i og bruke naturen, sjølv om det er nokon annan som eig han. Ein kan til dømes gå på tur, plukke bær og overnatte i telt nesten overalt. Dette blir kalla allemannsretten.
Nokre organisasjonar arbeider for at fleire skal drive med friluftsliv. DNT (Den norske turistforening) lagar og merkjer stiar, slik at ein kan finne vegen i skogen og på fjellet. Dei byggjer og driv hytter folk kan bruke.
Skiforeiningar og løypelag lagar skispor om vinteren. Mange kommunar brøyter islagde vatn, så folk kan gå på skøyter. Fleire organisasjonar lærer folk om friluftsliv og arrangerer kurs.
