Hormonspiral er ein type prevensjon, i form av ein liten plastbit, som ser ut som ein T. Spiralen må setjast inn i kroppen. Hormon er bakt inn i plasten. Spiralen slepper hormon ut i blodet over tid.
For å få hormonspiral, må ein få resept av ein lege. Spiralen blir sett inn i livmora av ein lege, helsesjukepleiar eller jordmor. Det blir gjort under ei undersøking av underlivet. Kvar spiral kan sitje i livmora i tre til åtte år. Hormonspiral er ei sikker form for prevensjon.
Det er berre jenter og kvinner som kan bruke spiral. Denne typen prevensjon beskyttar ikkje mot seksuelt overførbare sjukdommar. Det finst ein type spiral som ikkje inneheld hormon, den heiter koparspiral.
