mynt – Lille norske leksikon

Ei norsk krone. På den eine sida er det ein fugl som sit i greinar. På den andre siden er det eit kors, saman med forbokstavene til kong Harald og ei krone.

Foto av kronestykke

Av Robin Lund.

Lisens: Avgrensa gjenbruk

Mynt er ein type peng, som er laga av metall. Myntar er som regel runde. Dei kan ha ulike storleikar og vere laga av ulike metall. Somme myntar har eit hôl i midten.

Myntar er som regel verde ganske små summar. Den største summen éin mynt kan ha i Noreg, er 20 kroner. Større summar brukar ein setlar til. Myntar og setlar blir kalla for kontantar.

Myntar i Noreg

Norske kroner finst som desse myntane:

1 krone: Sølvfarga mynt, med hôl i midten. På den eine sida er det bilete av ein fugl på blad. På den andre sida er det bilete av førebokstavane til kongen.
5 kroner: Sølvfarga mynt med hôl i midten, større enn einkrona. Det er bilete av treskjering på båe sider.
10 kroner: Gullfarga mynt. På den eine sida er det bilete av kong Harald 5., på den andre sida er det ei stavkyrkje.
20 kroner: Gullfarga mynt, som er større enn tikrona. På den eine sida er det bilete av kong Harald 5., på den andre sida er det eit vikingskip.

Noregs Bank har ansvar for myntar og setlar, og øydelegg dei, dersom dei ikkje skal brukast meir. Fram til 2011 kunne ein bruke 50-øringar, som var verde like mykje som ei halv krone. Det var ein liten, koparfarga mynt.

Les meir i Vesle norske leksikon

Faktasjekk av

Henry Langseth

Universitetsbibliotekar og fagreferent, Universitetet i Bergen