P-stav er ein type prevensjon, som inneheld hormon. Sjølve staven er laga av plast og omlag like stor som ei fyrstikke. Staven blir sett inn under huda på overarmen med ei sprøyte. Det er berre kvinner og jenter som kan bruke denne typen prevensjon. P-stav er den sikraste forma for prevensjon, men vernar ikkje mot kjønnssjukdommar.
P-staven inneheld hormon, som han gradvis slepper ut i blodet. Hormona stoppar eggløysing, og då kan ein ikkje bli gravid.
For å sette inn, eller ta ut, ein p-stav, må ein gå til lege, helsesjukepleiar eller jordmor. Ein stav kan sitje i armen i tre år.
