Lingaz olandesc

Articul per Ladin Gherdëina

Olandesc
Nederlands
Pronunzia	[ˈneːdərlɑnts] (scota su)
Stat	Paejes Basc, Belje
Raion	Paejes Basc, Brasil, Belje, Suriname, Indonesia; Leprò te Aruba, Curaçao, Sint Maarten, Flandern Franzëus y Sudafrica (coche Afrikaans)
Rujeneda de l'oma	25 milions (2021) De ndut (prima y segonda rujeneda): 30 milions (2021)
Familia de rujenedes	Indo-Europeich Germanich Germanich uzidentel Germanich dl Weser-Rain Franch Bas (Franch) Olandesc
Formes da dant	Franch Olandesc vedl Olandesc mesan
Sistem de scritura	Latin (Dutch alphabet) Braille Olandesc
Signed forms	Signed Dutch (NmG)
Status ufiziel
Rujeneda ufiziela te	Paejes Basc Belje Suriname Raions dependënc Aruba Curaçao Sint Maarten Organisazions Benelux Union Europea Template:Country data Union of South American Nations PROSUR Template:Country data Caribbean Community
Regulà da	Nederlandse Taalunie
Codesc de rujeneda
ISO 639-1	nl
ISO 639-2	dut (B) nld (T)
ISO 639-3	nld Dutch/Flemish
Glottolog	mode1257
Linguasphere	52-ACB-a
Dutch-speaking world (included are areas of daughter language Afrikaans)
Distribution of the Dutch standard language (dark blue where a majority language, light blue for Brussels, Friesland and Low Franconian dialects in France and Germany) in Europe

L olandesc (Nederlands) ie na rujeneda germanica uzidentela che ie la rujeneda de l'oma de zirca 25 milions de persones y che vën ora de chël mo rujeneda da zirca 5 milions de persones. L ie la rujeneda ufiziela di Paejes Basc y una de la trëi rujenedes ufizieles dl Belje (ulache l ie la rujeneda de l'oma de zirca l 60% de la populazion). L ie la terza majera rujeneda germanica do l nglëisc y l tudësch.

Dedora de l'Europa ie l olandesc ora de chël la rujeneda de l'oma de la majera pert de la populazion dl Suriname y l ie ënghe na rujeneda ufiziela tl Aruba, Curaçao y Sint Maarten.

L olandesc ti semea scialdi al tudësch y mpue ënghe al nglëisc y l vën suënz dit che l ie danter chëla doi rujenedes. Ngrum de dialec olandesc univa nfin da puech rujenei te la Germania, dantaldut tl Rheinland ntëur Duisburg. L Plattdeutsch tl nord de la Germania univa ënghe rujenà te pertes dl nord di Pajes Basc. Nsci ne fova l cunfin danter i Paejes Basc y l Deutschland nia diretamënter n cunfin linguistich, ma chël iel deventà cul tëmp cul lascé do di dialec y la adozion de la rujeneda standardiseda te uni paesc.

L olandesc y l tudësch vën suënz udui coche doi formes standardisedes dl gran continuum de dialec tudësc te l'Europa continentela. L olandesc ne adrova nia l umlaut sciche l tudësch y ne adrova nia plu l congiuntif. L olandesc ova n iede trëi geni gramatichei (masculin, feminin y neutral) sciche l tudësch, ma n'à al dinancuei mé plu doi. L olandesc adrova plu paroles latines y franzëuses dl tudësch, ma scialdi de manco dl nglëisc.